O`zbеkiston rеspublikasi xalq ta'limi vazirligi a. Qodiriy nomidagi jizzax davlat pеdagogika instituti “Pedagogika-psixologiya” kafedrasi

7 – Мавзу: Психологик маслаҳат. 
Режа: 
1. Маслаҳат мактабда психологик хизматнинг муҳим йўналиши.
2. Психологнинг психологик маслаҳатдаги вазифалари.
3. Мacлaҳат бериш амалиётида болани психологик текширув.
4. Маслаҳат бериш жараёнида ота-оналар билан олиб бориладиган ишлар. 
  
1. Маслаҳат мактабда психологик хизматнинг муҳим йўналиши 
Психологик хизмат фаолиятини болалар, ёш ва педагогик психология, психокоррекция, 
психологик маслаҳат соҳасида умумий психологик ва махсус психологик билимлар олган 
мутахассислар томонидан амалга оширилади. Психологик хизматга жалб қилинган педагоглар 
бу мутахассисликни олиш учун махсус қайта тайёргарликдан ўтишлари лозим.
Маслаҳат бериш – психологик хизматнинг асосий йўналишларидан биридир. Лекин 
психологик маслаҳат ўзи нималиги ҳақида ягона тушунча йўқ. Коллежлардаги ёки академик 
лицейлардаги психолог иши бир-биридан тубдан фарқ қилади. Психолог аниқ ўқув 
муассасасидаги ўқитувчилар ва ўқувчилар орасидаги муносабатнинг ижобий ва салбий 
томонлари ривожланадиган ижтимоий муҳитнинг ичида бўлади. У ҳар бир ўқувчи ёки 
ўқитувчининг ўзинигина эмас, шахслараро муносабатнинг мураккаб системасини ҳам кўради, 
бошқа иш турлари билан биргаликда вазиятни ҳал қилади.
Психолог маслаҳат бериш ишларида қуйидаги ишларни олиб боради:  
1. Болалар, ўқитувчилар, талабалар таълим ва тарбияси билан шуғулланувчи барча шахсларга, 
жумладан маъмурият, директор, ректор, мудир, ўқитувчилар, мураббийлар, ота-оналар, ижтимоий ва 
жамоатчилик ташкилотлари ходимларига аниқ, яққол маслаҳатлар бериш.
2. Таълим, тараққиёт, тарбия, касб танлаш ва турмуш қуриш, ўзаро муносабат, муомала ва мулоқот 
сирлари, тенгдошлар ва вояга етмаганлар муносабати, масалан, дунёқараш, қобилият, иқтидор муаммолари 
юзасидан индивидуал, гуруҳий, жамоавий тарзда маслаҳатлар уюштириш.