Кичик гуруҳ (3-4 ёш)

 
Асосий ҳаракатларга доир машқлар 
Юриш машқлари. Тарбиячи кетидан белгиланган йўналишда тўп-тўп бўлиб юриш, 
йўналишни ўзгартириб юриш, предметни оралаб ўтиш, доира бўйлаб жуфт-жуфт бўлиб, қўл 

---

14 
ушлашиб юриш. Юришдан югуришга, югуришдан юришга ўтиш. Олдинга ва ёнга қадам 
ташлаб юриш. 
Югуриш учун машқлар. Тарбиячи орқасидан югуриб ўтиш, ундан қочиш, ҳар 
томонга бир-бирларини итармасдан югуриш. Думалаб бораётган предметни қувиб етиш, 
икки чизиқ оралиғида уларни босмасдан югуриш, 30-40 сония давомида тўхтамасдан 
югуриш. 80 метргача бўлган масофани секин югуриб ўтиш. 
Сакраш учун машқлар. Икки оёқлаб турган жойида сакраш, секин-аста олдинга 
сурилиш, бола қўлидан юқорироқ қилиб осилган предметга тегишга ҳаракат қилиш. 
Чизиқчадан ёки полга параллел ҳолда икки қатор қилиб ташлаб қўйилган арқончадан (20-
25см. кенглигида) хатлаш. Турган жойида икки оёқда, иложи борича узоққа сакраш, 20-30 
см. баландликдаги предметдан сакраш. 
Думалатиш, ирғитиш ва илиб олиш машқлари. Предметларни йиғиш, маълум жойга 
қўйиш. Думалаб бораётган предмет орқасидан сурилган ҳолда тўпни бир қўллаб ва иккала 
қўл билан тарбиячига қаратиб, қиялатиб ва бир-бирига қаратиб думалатиш. Тўпни икки 
қўллаб олдинга пастдан, кўкрак олдидан, бошдан ошириб отиш. Тарбиячига тўпни икки 
қўллаб ирғитиш, тарбиячи отган 50-100 см. оралиқдаги тўпни илиб олишга ҳаракат қилиш. 
Бола кўкраги баробар қилиб тортилган лентадан тўпни отиб тушуриш. Предметларни 
ирғитиш (тўплар, қум халтачалр ва бошқалар горизонтал нишонга (100-120 см. масофага ) 
икки қўллаб, ўнг ва чап қўл билан ирғитиш ; узунасига чап қўл билан ўнгга ирғитиш. 
Эмаклаш ва тирмашиб чиқиш учун машқлар. 3-4 м. га эмаклаш, 25-30 см. ли тўсиқ 
тагидан ўтиш, полда ётган ҳода устидан ошиб ўтиш. Арқонли нарвонча, гимнастика 
деворчасидан болага қулай бўлган усул бўйича юқорига тирмашиб чиқиш ва пастга тушиш.