Кичик гуруҳ (3-4 ёш)

Ўқиш ва саводга тайёргарлик. Болаларда таниш асарларда алоҳида сўз ва 
ибораларни ифодалай олишга ўргатиш. Воқеалардаги мураккаб бўлмаган диалогларни 
такрорлаш, ҳаракатлар билан бажариладиган эрмакларни ижро этиш кўникмаларини 
уйғотиш.
Қалам ёрдамида эгри чизиқлар, доираларни чизиш. 
Ўқув йили охирида бола: 
- предметлар ва уларнинг бўлаклари ва сифатларини айтиб бера олади 
(машина, унда руль, ғилдираклар бор, у юради, у катта); 

---

20 
- тенгдошлари билан мулоқотга киришади, илтимос орқали мурожаат қилади 
“Ким?”, “Нима?”, деган саволлар бера олади, алоҳида сўз ва қисқа–қисқа 
жумлаларни тушунишдан катталарнинг оғзаки кўрсатмасини бажаради; 
- мустақил ўйинларда бола ўз ҳаракатларини нутқ орқали ифодалайди; 
- турли буюмлар ва расмларни диққат билан кўриш малакаси ҳосил бўлади; 
- тарбиячининг оддий саволларига жавоб бера олади; 
- тарбиячи билан биргаликда таниш эртак, эрмак ва кичик шеърларни айта 
билишлари керак; 
- қисқа жумлаларни тузади; 
- саволларга жавоб бериш, керак пайтда савол билан мурожаат қилади; 
- китобга эҳтиёткорлик билан муносабатда бўлади; 
- китобдаги расмларга қараб номини айта олади; 
- 3-5 сўзлар орқали гапира олади; 
- расм мазмуни бўйича бериладиган саволларга жавоб беради; 
- ҳаракатлар билан бажариладиган эрмакларни, қисқа шеърларни, эртакнинг 
мазмунини бузмай (тарбиячи билан бирга, мустақил ҳолда) такрорлаш каби 
кўникмаларига эга бўлади; 
- болаларнинг ҳаётига яқин шеърларни, қушлар, ҳайвонлар, ўйинчоқлар 
ҳақидаги тўрт қатор шеърларни ёдлай олади; 
- болада китоб кўришга бўлган қизиқиш уйғонади, унга эҳтиёткорлик билан 
муносабатда бўлиш малакаси ҳосил бўлади; 
- шеърий оҳангдан эмоционал таъсирланади, қисқа эртак ва ҳикояларни 
тинглайди, бадиий асар мазмуни асосида ишланган расмларга қизиқади. 
-қалам ёрдамида эгри чизиқлар, доираларни чизади.