Кичик гуруҳ (3-4 ёш)

Нуткнинг грамматик тузилишини шакллантириш. Ҳайвон ва паррандаларни 
бирлик ва кўпликда ифодалашга ўргатиш. Айрим ҳайвонлар болаларини билдирувчи 
сўзларнинг ясалиш йўлларига эътиборини қаратиш. Болаларга воқеанинг вақтини, жойини 
ифодалайдиган сўзларни, содда гапларнинг тузилишини ўзлаштириб олишларида ёрдам 
бериш.
Боғланишли нутқни шакллантириш. Сўзлашув нутқини ўстириш. Болаларда 
тарбиячининг нутқини тинглаш ва тушуниш, берилган саволларга тортинмасдан жавоб 
бериш малакасини шакллантиришни давом эттириш. Уларни савол билан мурожаат этишга 
ўргатиш. 
Болаларни таниш ҳикоя ва эртак (тарбиячининг саволлари ва китобдаги расмлар 
ёрдамида, кейинчалик мустақил)ларни қайта ҳикоя қилишга ўргатиш. Ўйинчок, буюм ва 
расм мазмуни бўйича ҳикояни (3-5 сўзлар орқали) такрорлаш кўникмасини тарбиялаш. 
Таниш эртаклардан олинган парчаларни саҳналаштиришда қатнашишга ундаш. 
Бадиий адабиёт билан таништириш. Болани китобни кўришга бўлган қизиқишини 
уйғотиш, унга эҳтиёткорлик билан муносабатда бўлишни тарбиялаш.
Болаларда ҳажми катта бўлмаган эртак, эрмак, шеърларни берилиб тинглаш, тушуниш, 
воқеалар ривожини диққат билан кузатиш иштиёқини тарбиялаш. 
Болаларга доимий равишда ўзбек халқ болалар қўшиқларини айтиш: эркаламалар 
(“Гулижон ўзи-ўзи...”, “Менинг ўғлим отланадур...”), мавсум қўшиқлари (“Бойчечагим 
хиллолик...”, ”Лайлак келса, соз бўлар...”), айтишмалар (“Қуёним-қуёним”, “Адажон, 
ҳорманг...”). Ихчам шеърлар билан таништириш (А.Обиджон. “Баҳоройнинг ашуласи”, 
Ҳ.Раҳмат ”Қуёнча”, О.Маҳкамов. “Капалак”) орқали шеърий оҳангнинг жозибадорлигидан 
завқланиш, шодланиш каби ҳис-туйғуларни таркиб топтириш.
Болалар тушунчасига мос қисқа, содда эртак ва ҳикояларни (“Икки эчки”, “Очкўз ит”,
М.Муродов. “Велосипед ҳайдаган қўғирчоқ”, А.Ирисов. “Билмай қолиб” в.б.)тинглаш ва 
тушуниш каби дастлабки кўникмаларни таркиб топтириш. Болаларни аста-секин асар 
воқеалари асосида берилган оддий, содда саволларга жавоб беришга ўргатиш. Уларнинг 
эътиборини асар мазмуни асосида ишланган расмларга қаратиш, диққат билан томоша 
қилишга одатлантириш.