Кичик гуруҳ (3-4 ёш)

Илк ёшдаги болаларнинг ривожланиши 
Жисмоний ривожланиш. 
Боланинг соғлиғини мустаҳкамлаш, уларнинг тана аъзоларини чиниқтириш, асосий 
ҳаракат турларини ривожлантириш, болаларни тетик тутувчи, толиқишларининг олдини 
олувчи ҳаракатларини ривожлантириш учун шарт-шароит яратиш. Бармоқларининг майда 

---

9 
мускулларини ривожлантириш, юриш ва ҳаракат қилишнинг айрим кўникмаларини 
ривожлантириш. 
Эмаклаш. Керакли масофага, ўриндиқ ва ҳалқанинг тагига эмаклаш, 1м. узунликдаги 
зинага катталарнинг ёрдамида чиқиш ва ундан тушиш. 
Юриш. Таянчсиз тўғри йўналишда ерда ётган тахтача устидан, йўлкачадан, қия (10-15 
см юқорига кўтарилган) тахтачадан юриш, 10см баландликдаги сатҳ устига чиқиш ва ундан 
тушиш. Пол, ердаги ёки 5-10см баландликда жойлашган арқон, хода ёки тахтача устидан ўта 
олиш. 
Югуриш. Тўғри йўналишда югуриш. 
Сенсомоториканинг ривожланиши. Унча катта бўлмаган тепаликдан коптокни 
думалатиш, уни олдинга, юқорига ирғитиш. Қаламни ёки мўй қаламни ушлаб туриш, улар 
билан (ажи-бужи) чизиқлар чизиш.
Майда моторика. 3 ва ундан ортиқ қисмлардан иборат миноралар қуриш, қопча ва 
қутичага майда предмет ва ўйинчоқларни солиш ва уларнинг ичидан олиш. 
Маданий-гигиеник малакалар. Ўз-ўзига хизмат қилиш, қўлларини ювиш, чўмилишга 
ижобий муносабатда бўлиш, пиёладан чой ичиш, мустақил юз-қўлларини ювиш ва артиш 
Йил охирида бола: 
Эмаклайди, юради, мувозанат сақлайди, югуради, болада йирик, сенсомоторика ва 
майда моторика, ўз- ўзига хизмат қилиш малакаси шаклланади. 
 
Ижтимоий- ҳиссий ривожланиш 
Ижтимоий ривожланиш: 
Катталар билан мулоқот. Мулоқотга мойиллик сезиш (катталарнинг товуши, имо-
ишора, қўлини чўзиш), товушга қараб мақтов ва танқидни фарқлаш, мулоқот турларидан 
(йиғлаш, кулги, бақириш, табассумдан) фойдаланиш, ўз истагини имо-ишора билан 
билдириш.