Кичик гуруҳ (3-4 ёш)

Ҳаракатли ўйинлар ва ўйин машқлари 
Юриш ва югуришга оид ўйинлар: “Қўғирчоқларникига меҳмонга”, “Йўлакчадан”, 
“Ким секин”, “Таёқчадан ҳатлаб ўт”, “Мени қувиб етинг”, “Чумчуқчалар ва автомобиль”, 
“Поезд”, “Самолётлар”, “Пуфак”, “Қуёш ва ёмғир”, “Буюмни олиб кел”, “Қушлар учмоқда”. 
Эмаклаб ўйналадиган ўйинлар: “Шақилдоққача эмаклаб бор”, “Дарвозага тушир”,
“Чизиқни босма”, “Эҳтиёт бўл “, “Маймунчалар”. 
Тўпни отиш ва илиб олиш ўйинлари: “Тўпни ўртага ташла”, “Тўпни илиб ол”, 
“Дарвозачага тушир”, “Тўғри мўлжал ол”. 
Сакраб ўйнайдиган ўйинлар: “Менинг қувноқ коптогим”, “Оқ қуёнча ўтирибди”, 
“Қушчалар учмоқдалар”, “Ариқчадан ҳатлаб ўт”. 
Очиқ жойда мўлжал олиш ўйинлари: “Қаерда чалинаяпти”, “Байроқчани топ” 
Турли ҳаракат ва қўшиқ билан ўйналадиган ўйинлар: бир-бирига ҳалақит 
бермасдан юриш ва югуриш; икки оёқлаб жойида сакраш ва олдинга силжиб сакраш, тўпни 
олиш, ушлаб туриш, бир жойдан иккинчи жойга олиб ўтказиш, жойига солиб қўйиш, 
думалатиш, ирғитиб, эмаклаш, тортилган арқонча тагидан эмаклаб ўтиш, ерда ётган ходача 
устидан ўтиш. 
Чиниқтириш ва соғломлаштириш. 
Эрталабки бадантарбия. Ҳар куни эрталаб бадантарбия қилиш, ҳаракатларни 
намунага мувофиқ бажариш. Бадантарбияни очиқ ҳавода, енгил кийимда бажариш. 
Эрталабки бадантарбия машқларини сув муолажалари билан тугаллаш (катталар кўмагида). 
Чиниқтириш. Ёзда очиқ ҳавода иложи борича кўпроқ бўлиш. Катталар назорати 
остида кичик очиқ сув ҳавзасида (бассейнда) чўмилиш (гигиена талабларига амал қилган 
ҳолда). 
Қоматни тўғри тутиш. Катталарнинг назорати остида жисмоний машқларни мунтазам 
бажариш. Тўғри қоматни шакллантириш, ясситовонлиликнинг олдини олишга имкон 
берадиган мушаклар гуруҳини шакллантириш.
Ҳаракатлантирувчи тартиб. Ҳар кунги сайрларда иштирок этиш. Ҳаракатли 
ўйинларда ўйинчоқлар ва жисмоний машқларда спорт анжомлари билан фаол иштирок 
этишга ҳаракат қилиш.