Кичик гуруҳ (3-4 ёш)

Бадиий адабиёт билан таништириш. Болаларда бадиий адабиётга бўлган қизиқиш, 
муҳаббат ва завқланиш кўникмасини шакллантиришда давом этиш. Уларга халқ оғзаки 
ижоди намуналари: мавсум (“Бака-бака-бум, бойчечак”, “Чучвара қайнайди-я” ва ўйин 
қўшиқлари (“Данагим-данак”), ялинмачоқ (“Офтоб чиқди оламга”) ва қизиқмачоқ 
(“Олатой,булатой”)лар, чеклашмачоқ (“Бир дегин...”) ва ҳукмлагич (“Қалдирғоч, ғоч-
ғоч”)лардаги оҳангнинг мазмунга кўра ўзгариб боришини англаш, бадиий сўзни ҳис этиш 
туйғусини кучайтириш. Халқ қўшиқларидан ўз ўрнида мустақил фойдаланишларига 
имконият, топишмоқ, тез айтишлар ёрдамида болаларнинг зеҳни, идроки, тафаккурини 
кенгайтириш. Болалар диққатини эртак (“Овчи, Кўкча ва Доно”, “Ҳалоллик” ўзбек халқ 
эртаги)ларнинг ўзига хос хусиятларига (бошланма, такрор, тугалланма) қаратиш. 
Болаларда бадиий асарни руҳан ҳис этиш, уни тушуниш, мазмунини сўзлаб 
бераётганида шошилмай, равон баён эта билиш, ҳар бир сўзни аниқ талаффуз қилиш 
малакаларини 
ўстириш. 
Болаларнинг 
асар 
қаҳрамонлари 
хатти-ҳаракатларини 
(Н.Норқобилов “Дўст”, Х.Тўхтабоев “Таъзир”) баҳолашга, уларнинг маънавий 
сифатларидан: яхши, ёмон, жасур, қўрқоқ кабиларни (Я.Саъдуллаева “Ғишт”) тушунишга, 
хафа, хурсанд каби руҳий ҳолатларини (Т.Йўлдош “Ойим уйда бўлсалар”) ҳис эта 
олишларига эришиш. Асар воқеалари асосида ишланган расмлар ҳақидаги таассуротларини 
баён қилиш. 
Буюк алломаларимиз Алишер Навоий, Заҳириддин Муҳаммад Бобур ҳақида қисқача 
маълумот бериш, уларнинг айрим асар (А.Навоий “Шер билан Дуррож”в.б.)лари билан 
таништириш. Болалар қалбида бадиий адабиёт воситасида аждодларга ҳурмат, ифтихор, она 
Ватанга садоқат, (С.Тожи “Ватан”, А.Орипов “Баҳор шамоли”) эзгуликка меҳр-муҳаббат 
туйғусини уйғотиш. 
Болаларга шеър (Р.Файз “Балиқ”, Ҳ.Раҳмат “Яхши сўз”) ёд олиш ва ифодали ўқиётган 
(К.Турдиева “Баҳор”, Э.Воҳидов “Укамнинг жанги”)ларида қофия, такрорий сўз ва ритмга 
эътибор беришни, мазмунни оҳанг воситасида (сўроқ, ҳис-ҳаяжон, буйруқ, илтимос, 
эркаланиш оҳанги) ифодалай билишни, керак жойида сукут сақлаш (пауза)га риоя этишни 
ўргатиш.