Кичик гуруҳ (3-4 ёш)

Ўқиш ва саводга тайёргарлик. “Товуш”, “Сўз”, “Гап” сўзларини тушунишга, 
ўйинларда ва амалий машқларда қўллашга ўргатишни давом этиш. Икки сўздан гап тузиш 
(масалан, “Бола ўтирибди”, “Қуш сайраяпти”, “Биз сайр қиляпмиз”). Гап ва сўз ҳақидаги 
тушунчаларни амалий машқлар давомида мустаҳкамлаб бориш. 
Оддий чизиқлар, илгаклар нусхаларини кўчиришга ўргатиш. 
Ўқув йили охирида бола: 

---

56 
- Болалар она тилидаги ҳамма нутқ товушларини тўғри талаффуз қилиш; 
- нутқ товушлари ва сўзлар ўртасидаги фарқларни англаш; 
- йил давомида танишган сўзларини (касб-ҳунар,буюмларнинг сифати 
ва хоссалари, 
ўрни, кун қисмлари ва б.) ўз ўрнида фаол ишлатиш; 
- жавоб бераётганда, ҳикоя қилаётганда сўзларни грамматик жиҳатдан тўғри 
ўзлаштириш; жумлаларни тўғри тузиш; 
- қисқа эртак ва ҳикояларни мустақил қайта ҳикоя қилиш; 
- ўйинчоқ, турли буюмлар ва воқеий (сюжетли) расмлар бўйича ҳикоялар тузишга 
ўрганишлари лозим; 
- китобга эҳтиёткорлик билан муносабатда бўлиш; 
- китобдаги расмларга қараб бадиий асарнинг мазмунини гапириб бериши, 
асарнинг парчасини эшитганида унинг номини айтиши, болаларнинг ҳаётига 
яқин шеърлар, қушлар, ҳайвонлар, ўйинчоқлар ҳақидаги саккиз қатор 
шеърларни ёдлай олиши керак; 
- топишмоқлар, санамалар, мақолларнинг мазмунини идрок эта олиш; 
- асарда иштирок этувчи қаҳрамонларнинг хатти-ҳаракатларини баҳолай олиш: 
яхши, ёвуз, жасур; 
- руҳий кечинмаларини (хафа, хурсанд) таърифлай олиши; 
- шеър, эртак, топишмоқ, ҳикоя, санамаларни ифодали айта олиши; 
- бадиий сўздан эмоционал завқлана олиши, шеърни ёддан ифодали айта олиши, 
эртак ва ҳикояларни сўзлаб бера олиши, асар мазмуни асосида берилган 
саволларга имкон қадар аниқ ва дадил жавоб бера олиши; 
- бадиий асарларга ишланган расмлар бўйича ҳикоя қила олиши; 
- “Товуш”, “Сўз”, “Гап” сўзларини тушуниш, ўйинларда ва амалий машқларда 
кўллай олиш каби малакаларни эгаллаши; 
- оддий чизиқлар, илгаклар нусхаларини кўчира олиши лозим.