Кичик гуруҳ (3-4 ёш)

Болалар жамоасида: 
- болаларни ўз-ўзини англашига йўналтириш; 
- болаларда бир- бирларига нисбатан қизиқиш уйғотиш, уларни бирлашишга
ёрдам бериш; 
- болаларнинг бир-бирига нисбатан самимий муносабатда бўлишларига интилиш; 
- болаларни ўз фикрларини сўз билан ифодалашига кўмак бериш; 
- ўз ҳиссиётларини сўз ва кайфиятларини имо-ишора билан ифодалашга 
ўргатиш; 
- болаларда дўстона муносабатларни тарбиялаш, дўстини қўллаб-қувватлаш 
ҳиссини тарбиялаш; 
- ўртадаги низоларни енгишга ўргатиш лозим. 
Ўз ҳиссий туйғуларини ифода қилиш, ҳиссий ҳолат ва унинг сабаблари ўртасидаги 
боғлиқликни тўғри тушуниш, катталар билан самимий оҳангда сўзлаша олиш, одоб билан 
саволларга жавоб бериш, тенгдошларини исми билан чақириш, қўполлик қилмаслик, 
ўртоқлари билан мулоқотда ўз фикрини ифода қила билиш;
агар ўзи тушунмаса савол билан мурожаат қилиш; 
кичкинтойларга нисбатан яхши муносабатда бўлиш; 
катталар ва тенгдошларининг ҳис-туйғуларини, уларнинг кечинма ва турли ҳиссий 
ҳолатларини сўз билан ифодалаш; 
турли хилдаги ҳиссий ҳолатларни тушунишга интилиш; 
жаҳли чиққанида, қўрққанида ўзини тута олиш қобилиятини шакллантириш 
(итармаслик, бошқаларни урмаслик, ўйинчоқни бошқалардан тортиб олмаслик ва бошқалар); 
одоб билан саломлашиш ва хайрлашиш, ўз истаклари ва таклифларини айтишга 
ўргатиш;
кўрсатилган ёрдамга, тенгдоши ўйинчоғини тортиқ қилганда унга миннатдорчилик 
билдириш, ўртоғининг илтимосини қабул қилиш, бошқаларнинг сўзларини диққат билан
тинглай билиш, ўзининг қаршилигини бошқаларни ҳафа қилмасдан ифодалашга интилиш; 
ўзи ва ўз кучига нисбатан ишонч уйғотиш (“Мен бажара оламан”), ўзи мустақил 
фаолият кўрсатиш (“Мен ўзим”). Боланинг ўзига нисбатан ҳурматни тарбиялаш. Масалан: 
уни тенгдоши кучи етмайдиган нарсани бажаришга ундаса, қатъиян инкор қилиш (кўзига 

---

53 
қараш, табассум қилиш, “Кел ярашамиз”- дейишга ўргатиш); 
ўзини бошқа болаларнинг ҳатти-ҳаракати билан таққослаш, тенгдошларининг ютуқ ва 
камчиликларига эътиборли бўлиш, катталарнинг тенгдошларига берган баҳолари билан 
қизиқиш, ўзларининг тенгдошлари билан таққослай билиш; 
ўзларига ижобий баҳо беришларига эҳтиёж сезиш, мустақилликни шакллантириш; 
меҳнат фаолиятида болаларга ёрдам бериш, меҳнат маҳсулига ҳурмат билан қараш 
каби сифатларни шакллантириш; 
катталар, тенгдошининг кайфияти, ҳиссий ҳолатини сезиш; 
ўзининг ҳис-туйғуларини ифода этиш, ўз-ўзини англай бошлаш, ўзига, ўзининг кучига 
нисбатан ишонч уйғотиш, ўзи мустақил фаолият кўрсатишга интилиш, катталар ва 
тенгдошларининг эътиборига эришиш. 
ўйин фаолиятида ўзи учун рол танлаш, ўз ҳолатига жавоб бериш, ўз имконият ва 
ютуқларини турли фаолиятларда намоён қилиш, ўз-ўзини баҳолаш, тенгдошига нисбатан 
муҳаббати ва мойиллигини ифодалаш;
ўз хулқ-атворини бошқа кишиларга нисбатан баҳолаш, ўғил бола ва қиз болага хос 
маълум фаолият турларини қўллаш, ўз ҳиссий ҳолатини тўғри англаш;
тенгдошлари орасидан ўзини ажратиб олиш, тенгдошлари орасида ўзини англай билиш, 
ўз ҳиссиётларини ифода қила олиш (“Мен ёқтираман”, “Мен ёқтирмайман”); 
катталарга нисбатан самимий муносабатини сўз билан ифодалаш, ота- онаси билан 
самимий муносабат ўрнатиш; 
дўстини қўллаб-қувватлаш, ижобий ҳис-туйғулар орқали вужудга келган низоларни 
бартараф қилиш.