108
бу тармоқ ёки корхонага инвестициялар оқими самарадорлиги ва ҳажми
хўжалик субъектларининг бозордаги рақобатбардошлик даражасига боғлиқ
бўлади.
Фонд биржаси қимматли қоғозлар билан савдони ташкил қилишнинг унда
амалга оширилаётган операциялар қонунийлиги ва бир хилда очиқлигини
таъминловчи энг ривожланган шаклларидан бири ҳисобланади.
Бундан
ташқари, мунтазам биржа савдолари ўтказиш савдога қўйилган активларнинг
реал бозор қийматини аниқлашга имкон беради.
Ҳозирги пайтда қатнашчиларнинг шахсан иштирок этишини талаб
қилувчи очиқ биржа савдоси ўз офисидан, иш
жойидан туриб савдода
қатнашишга имкон берадиган электрон режимга ўтказилган. Белгиланган
қоидаларга ва савдони тартибга солиш тизимига амал қилиш, шунингдек, барча
қатнашчиларнинг бу қоидаларга амал қилишга тайёрлиги мажбурий тартиб
бўлиб қолавермоқда.
Ҳозирги пайтда «Тошкент» Республика Фонд биржаси республиканинг
барча минтақаларида ўз филиалларига эга. Биржада 84 та
брокерлик идораси
аккредитацияланган бўлиб, уларнинг трейдерлари қизиқтираётган қимматли
қоғозларни сотиш ёки сотиб олиш бўйича мижозларнинг ҳар қандай
топшириқларини юқори профессионал даражада бажаришга тайёр.
1994 йил - қимматли қоғозлар билан операциялар бўйича йиллик айланма
30 млн. сўмни ташкил қилди, биржада 13 та брокерлик идораси
аккредитацияланган.
1995 йил – брокерлик идоралари сони 83 тага етди, рўйхатга олинган
битимлар ҳажми 1,3 млрд. сўмдан ортди. Самарқанд, Андижон, Бухарода
биринчи филиаллар очилди.
1996 йил – савдо ҳажми 2,8 млрд. сўмни ташкил этди. Биржа Республика
биржа марказининг янги биносига кўчиб ўтди. 12 та филиалнинг барчаси билан
онлайн режимида хафтада беш марта савдо қилишга имкон берадиган умумий
электрон савдо тизими жорий қилинди.
1997 йил – савдо ҳажми 2,3 млрд. сўм, ҳалқаро
стандартларга мос
келадиган биржа стандартлари қабул қилинди.
1998 йил - савдо ҳажми 3,5 млрд. сўм. "Тошкент" РФБда листинг
жараёни жорий қилинди, Ўзбекистонда биринчи листинг корхонасига
"Бухоротекс" акциядорлик жамияти айланди. Расмий биржа рўйхатига
"Бухоротекс"дан ташқари тўртта акциядорлик жамияти - "Пахтабанк",
"Ўзсаноатқурилишбанк", "Ўзметкомбинат" ва "Ғаллабанк". "Тошкент" РФБ
Евросиё фонд биржалари Федерацияси Ижроия қўмитасининг аъзоси этиб
сайланган.
1999 йил – акцияларни хорижий инвесторларга ЭКВга сотиш бўйича
Махсус майдонча иш бошлади. Биржа айланмаси 3,8 млрд. сўмни
ташкил
қилди, шундан 1,4 млн. АҚШ долари ЭКВга битимлар тузишга сарфланди.
2000 йил – февраль ойидан бошлаб биржада Тасикс (Tasix) Умумий фонд
индекси ҳисоблаб чиқилмоқда, у биржа фонд бозорининг ҳолатини акс
эттиради ва оммавий ахборот воситаларида мунтазам эълон қилиб борилади.
109
Апрель ойидан бошлаб узлуксиз иккиёқлама кимошди савдоси усули
бўйича савдо қилишга имкон берадиган электрон савдо тизими амал қилмоқда.
Унинг иши замонавий web-технологияларга асосланган. Бу тизим республика
қимматли қоғозлар ликвидли ва «шаффоф» биржа бозорини ташкил этишга
хизмат қилади.
Қимматли қоғозлар билан операциялар бўйича биржа айланмаси 5,3
млрд. сўмдан ортди,
жумладан, ЭКВга -249,9 минг АҚШ доллари.
2001 йил – биржанинг web-сайти (www.uzse.uz) ишлаб чиқилди, унда
биржага доир барча ахборотлар акс эттирилади. Листинг жараёни
соддалаштирилди ва олтинчи листинг корхона "Ўзуйжойжамғармабанк"
киритилди. Биржа айланмаси 8,0 млрд. сўмга, жумладан, ЭКВга 794,9 минг
АҚШ долларига тенг бўлди.
2002 йил - қимматли қоғозлар билан операциялар бўйича йиллик айланма
илк бор 10 млрд.сўмдан оршди ва 17,4 млрд. сўмга тенг бўлди, битимларда 94
та брокерлик идоралари қатнашди. Май ойидан бошлаб корпоратив
облигациялар муомаласи бўйича майдонча жорий қилинди. Облигациялар
бўйича йиллик айланма 1,2 млрд. сўмдан ошди. Июнда иккиламчи бозорда
ЭКВга биринчи битим тузилди.
2002 йил биржада 1,7 млн. АҚШ доллари миқдорида хорижий валютаага
27 та битим амалга оширилди.
2003 йил - қимматли қоғозлар билан операциялар бўйича йиллик айланма
35,7 млрд. сўм, жумладан, ЭКВга - 8,3 млн. АҚШ долларига тенг бўлди.
2004 йил – миллий валютада акциялар муомаласи секцияларида 962 та
акциядорлик жамиятининг умумий миқдори 30,3 млрд. сўмлик 42,7 млн. дона
акциясини сотиш бўйича 4175 та битим тузилди. 2004 йил учун "Тошкент" РФБ
Умумий фонд индекси ("TASIX") қиймати 100 пунктни (2003 йил - 32 пункт)
ташкил этди. 2004 йил акциялар билан энг йирик
битим бирламчи бозорда
хусусийлаштирилган корхоналар секциясида 3 декабрь куни тузилди. Тошкент
ш. "O'zenergota'minlashi" 141,8 минг дона акциялари 1,5 млрд. сўмга сотилди.
ЭКВга акциялар сотиш бўйича махсус савдо майдончасида 2004 йил
бирламчи бозорда 8 та (2003 йил 20 та) акциядорлик жамиятининг умумий
миқдори 4,1 млн. (6,0 млн.) долларлик 3,1 млн. (3,9 млн.) дона акциясини сотиш
бўйича 15 та (30 та) олди-сотди битими, иккиламчи бозорда 55 та (23 та)
акциядорлик жамиятининг умумий миқдори 6,6 млн. (2,3 млн.) долларлик 3,8
млн. (1,4 млн.) дона акциясини сотиш бўйича 275 та (34 та) олди-сотди битими
тузилди.
Листинг корхоналар
1.АК "Ўзсаноатқурилишбанк"
2.АК "Пахта банк"
3.АК "Ўзуйжойжамғармабанк"
4.АК "Ғалла банк"
Do'stlaringiz bilan baham: 
