Жабборов, Рустам 100 жумбоқли ҳикоя / Рустам Жабборов. Тошкент: Янги

АДОЛАТЛИ ТАҚСИМОТ
Ривоят қиладиларки, араб саҳросида бир бадавий уч 
ўғли билан умргузаронлик қиларди. Унинг оз эмас, кўп 
эмас, 23 бош туяси бор эди. Кунларнинг бирида бада-
вийнинг вақти-соати битиб, уч ўғлини ҳузурига чорлади. 

---

19
«
100 жумбоқли ҳикоя
»
– Азиз фарзандларим, тепамда Азроил қиличи-
ни чархлаб турибди. Бир неча дақиқалардан сўнг жон 
қуши вужудим қафасини тарк этиб кетади. Сизларга туя-
ларимдан бошқа мерос қолдиролмайман. Шу йигирма 
уч туямнинг тенг ярмини катта ўғлимга, учдан бирини 
ўртанчамга, саккиздан бирини кенжатойимга васият қи-
либ қолдирмоқчиман. Отамиз биздан рози бўлсин, де-
сангизлар, меросимни худди мен айтганимдек тақсим-
ланглар!
Ота шу сўзларни айтиб бўлгач, жон таслим этди. Фар-
зандлар отани тупроққа қўйиб, барча расм-русумларни 
адо этишди. Мотам муддати тугаб, қалблардаги айрилиқ 
аламлари совигач, ака-укалар оталаридан қолган мерос-
ни унинг васиятига кўра тақсимлашга киришдилар. 
Аммо, ўйлаб кўришса, 23 сонини на иккига, на учга, 
на саккизга тақсимлаб бўларкан. Нима қилишни бил-
май, уч ака-уканинг роса боши қотди. Ўзларича тақ-
симлашса, оталарининг васиятига хилоф иш тутишлари 
мумкин. Ҳаммаси оталари айтгандек бўлиши керак. Бу 
жумбоқни ечиш учун улар қариндош-уруғ, қўни-қўш-
ниларга ҳам мурожаат қилишди. Улар ҳам тайинли гап 
айта олмадилар.
Шу муаммо устида бош қотириб туришганда, саҳро-
нинг нариги томонидан туя миниб келаётган бир йўлов-
чи бадавий кўринди. 
– Балки, мана шу келаётган одам бизнинг муаммо-
йимизни ҳал қилиб берар? – деди ака-укаларнинг бири.
У етиб келгач, ҳамма билан саломлашиб, ҳол-аҳвол 
сўраб чиқди. Ака-укалар унга вазиятни тушунтиришди. 
Бадавий бироз ўйланиб тургач, бу масаланинг чиройли 
ечимини топди. У туяларни бутунлигича худди ота ва-
сиятига мувофиқ тарзда ака-укаларга тақсимлаб берди. 
Ўйлаб кўринг-чи, бадавий қандай қилиб туяларни 
васиятга мувофиқ, иккига, учга ва саккизга бўла олган? 

---

Рустам Жабборов
20
Ўн биринчи ҳикоя