Microsoft Word 05 Kishlok xujalik mahsulotlar sifati va marketingi

Strategik  marketing  konsepsiyasi  asosida  isteʻmolchilar  va  raqobatchilarga  yoʻnaltirilganlik 
yotadi.  Strategik  marketing  mazmuni  isteʻmolchilar  ehtiyojlarini  qondirish  va  bir  vaqtning  oʻzida 
yaxshiroq  isteʻmol  xususiyatlariga  ega  boʻlgan  tovarni  yaratish  yoki  pastroq  narx  qoʻyish  orqali 
raqobatchilarga  nisbatan  ustunlikka  erishishdan  iborat.  Raqobatchilarga  yoʻnaltirilganlik 
isteʻmolchilarga  yoʻnaltirilganlikka  zid  boʻlmaydi.  Aksincha,  uni  kuchaytiradi,  chunki  korxonalar 
shunday sharoitga qoʻyilganki, bozor ehtiyojlarini qondirish ishlab chiqarish, xarajatlar va boshqa 
sohalardagi hamma yutuqlarni maksimal hisobga olishni talab qiladi. 
Hozirgi vaqtda jamiyat tomonidan hal etilayotgan yirik iqtisodiy, xom ashyoviy, energetik va 
boshqa  muammolar  jamiyat  ehtiyojlarini  va  iqtisodiy  resurslarga  yoʻnaltirilganlikni  kuchaytirib, 
marketingning isteʻmolchilik konsepsiyasini ancha oʻzgartirib yubordi. 
Ijtimoiy-iqtisodiy  marketing  bilan  bogʻliq  boʻlgan,  katta  ijtimoiy  jamoalarning,  davlat 
siyosatining muammolariga diqqatini qaratuvchi mega-marketing paydo boʻldi. 
Jamiyat  hayotini  axborotlashtirish  kuchaygan  sharoitda  korxonaning  xaridor  bilan  bevosita 
munosabatda  boʻlishi  imkoniyati  vujudga  keladi.  Ommaviy  marketingdan  alohidalashgan 
marketingga  oʻtish  kuzatiladi.  Shunday  yoʻnalishlardan  biri  —  munosabatlar  marketingi  (maksi-
marketing)  zamonaviy  telekommunikasiyaviy  vositalardan  foydalangan  holda  isteʻmolchilar  bilan 
individual munosabatlarni iloji boricha mustahkamlashga yoʻnaltiriladi. Bu yerda uzluksiz ravishda 
interaktiv kommunikasiyalar  yordamida olingan individual isteʻmolchi haqidagi bilimlarni amalda 
tadbiq  etish  jarayoni  boradi.  Bu  bilimlar  uzluksiz  va  uzoq  muddatli  oʻzaro  manfaatli  aloqalarni 
taʻminlash  maqsadida  mahsulotlar  va  xizmatlarni  yaratish  va  siljitishga  yordam  beradi.  Bunday 
munosabatlarning xaridor uchun afzalliklari — aloqalarning samaradorligi, ishlab chiqaruvchi uchun 
— foyda, ikkalasi uchun — tinchlik, kelajakka ishonch. Qayd qilish kerakki, individual marketing 

---

mehmonxonada lyuksxizmat koʻrsatishda, bank ishida tobora koʻproq rivojlanmoqda, aniqrogʻi, har 
qanday alohidalashgan tovar bozorlarida qoʻllanilishi mumkin. 
Zamonaviy marketing konsepsiyalarini chizma koʻrinishida quyidagicha tasvirlash mumkin: