Microsoft Word 05 Kishlok xujalik mahsulotlar sifati va marketingi

Xurmo.  Xurmo  mevasi  yassi,  sharsimon,  sirti  silliq,  poʻsti  zargʻaldoqsariqdan  toʻq-qizil 
ranggacha boʻladi. Xurmoning sifati RSTUz 854-98 nomerli standart  talabiga javob berishi kerak. 
Bu standart talabi boʻyicha xurmo mevasi birinchi va ikkinchi tovar navlariga boʻlinadi. 
Har  ikkala  tovar  naviga  kiritiladigan  mevalar  yangi,  butun,  toza,  sogʻlom,  qishloq  xoʻjalik 
zararkunandalari  bilan  zararlanmagan,  mexanik  jarohatlanmagan,  shakli  va  rangi  boʻyicha  shu 
pomologik  navga  xos  boʻlishi  kerak.  Taʻmi  va  hidi  esa  yoqimli,  oʻziga  xos,  begona  taʻmlarsiz  va 
hidlarsiz boʻlishi kerak. 
Xurmo mevalari uchun ham asosiy koʻrsatkichlardan biri meva koʻndalang kesimining diametri 
hisoblanadi. Bu koʻrsatkich birinchi navga kiritiladigan mevalarda 60 mm dan kam boʻlmasligi kerak. 
Ikkinchi navga kiritiladigan mevalar uchun esa bu koʻrsatkich meʻyorlashtirilmaydi. 
Anor mevasidagi singari xurmo mevasida ham quyosh nuri taʻsirida qora dogʻlar paydo boʻlishi 
mumkin.  Standart  talabi  boʻyicha  birinchi  navga  kiritiladigan  xurmo  mevalarida  qora  dogʻlar 
boʻlmasligi kerak, ikkinchi navlarida esa xurmo yuzasining 1/8 qismidan katta boʻlmagan qora dogʻli 
mevalar  boʻlishiga  yoʻl  qoʻyiladi.  Xurmo  mevalari  mexanik  taʻsirga  chidamsiz,  nozik  meva 
boʻlganligi  sababli  har  ikala  tovar  navida  ham  poʻstlogʻi  shikastlanib  qolgan  jarohatli  mevalar 
boʻlishiga  yoʻl qoʻyilmaydi. Shuningdek, xurmoning ikkala tovar navida ham chirigan, ezilgan va 
pishmagan koʻm-koʻk mevalar boʻlishiga yoʻl qoʻyilmaydi.