Microsoft Word 05 Kishlok xujalik mahsulotlar sifati va marketingi

Bodom.  Bodom  taʻm  koʻrsatkichi  boʻyicha  shirin  va  achchiq  taʻmli  bodomlarga  boʻlinadi. 
Achchiq  bodomlarning  magʻzida  zaharli  glikozidlar  amigdalin  (3-7  %)  boʻladi.  Shu  sababli  ham 
achchiq magʻizli bodomlar oziq-ovqat mahsuloti sifatida qoʻllanilmaydi. 
Shirin magʻizli bodomlarning sifati GOST 16830-71 standarti talabiga javob berishi kerak. Bu 
standart  talabi  boʻyicha  bodomlar  oliy  va  birinchi  navlarga  boʻlinadi.  Har  ikkala  navida  ham 
bodomlar  yaxshi  yetilgan,  poʻstlogʻining  rangi  birxil,  sargʻich-kulrangdan  to  qoramtir-
qoʻngʻirranggacha  boʻlishi  kerak.  Ularning  magʻzining  qobigʻi  esa  och-qoʻngʻirdan  to  qoʻngʻir 
ranggacha boʻladi. 
Bodomlarning taʻmi va hidi oʻziga xos yoqimli, begona taʻmlarsiz va hidlarsiz boʻlishi kerak. 
Bodomlar magʻzining namligi 10 % dan ortiq boʻlmasligi kerak. 
Oliy navli bodomlarning poʻchogʻi qogʻoz poʻchoqli, yumshoq poʻchoqli, birinchi navlarida 
esa poʻchogʻi qattiq boʻladi. Oliy navli bodomlarda magʻzining chiqishi 30 % dan, birinchi navlarida 
esa 25 % dan kam boʻlmasligi yuqorida qayd etilgan standartda koʻrsatib oʻtilgan. 
Standart talabi boʻyicha bodomlarda massasiga nisbatan quyidagi nuqsonlar boʻlishiga ruxsat 
etiladi  (%,  koʻp  emas):  oliy  navli  bodomlarda  zararkunandalar  bilan  zararlangan  bodomlar  –  0,5, 
birinchi navli bodomlarda esa – 1,0; yaxshi yetishmagan bodomlar mos ravishda 1,0 va 3,0; qurib 
qolgan poʻchoqli bodomlar miqdori mos ravishda 2,0 va 5,0; achchiq magʻizli bodomlar miqdori mos 
ravishda  1,0  va  3,0.  Buzilgan  bodomlar  oliy  navli  bodomlarda  boʻlmasligi  kerak,  birinchi  navli 
bodomlarda esa ularning hissasi 3,0 % dan ortiq boʻlmasligi standartlarda koʻrsatib qoʻyilgan.