Шуҳрат эргашев жаҳон тарихи (Янги давр. 1-қисм. Xvi–xviii асрлар)

1795 йилнинг баҳоридаги халқ қўзғолонлари. Инқилобий ўзга-
ришлар тугади. Конвент депутатларини энди халқнинг аҳволи 
қизиқтирмас эди. 1795 йили парижликлар икки марта Конвент иши-
га таъсир кўрсатишга уриниб кўрдилар.
Париж атрофида норозилик кучайиб борарди. Уйларнинг девор-
ларида «Халқ, уйғон! Пайт келди!», – деган ёзувлар пайдо бўлди.
Конвентга очликдан ва «ватанпарвар»ларнинг қувғин қили-
наётганидан ғазабга келган одамлар тўдаси келиб турарди. Қўзғолон 
1795 йилнинг апрелида бошланди. Уни ҳеч ким тайёрлаган эмасди. 
Шу куни эрталаб Париж чеккаларида яшовчи халқ тўплана бошла-
ди. Аёллар кўп эди. «Нон беринг! 1793 йилги Конституцияни бе-
ринг!», – деган хитоблар эшитилиб турарди.
Тезда Конвентни 10 мингта қуролсиз санкюлотлар ўраб олдилар, 
қўриқчиларни қувиб юбордилар ва бинони эгалладилар. Улар де-
путатлардан нон ва 1793 йилги конституцияни талаб қилардилар, 
лекин ҳеч нарса ололмасдилар.
Кечга бориб, Конвент Миллий гвардия билан ўраб олинди, халқни 
эса қувиб юборди. Париж қамал ҳолатида деб эълон қилинди. Май 
ойида бу воқеалар такрорланди. Сент-Антуан атрофидаги барча 
аҳоли қўзғалди. Оломон «Нон ва 1793 йил Конституцияси!», – деб 
қичқирарди. Кўпчиликнинг шляпаларига, кўкракларига, енгларига 
ана шу шиорлар бўр билан ёзиб қўйилганди. Санкюлотлар қўлларида 
найза ва милтиқлар, байроқ ва шиорлар ушлаб олган эдилар. Заста-
валар ёпиқ эди. Кундуз соат 15
00 
да қўзғолончилар Конвентни эгал-
14– Ш. Эргашев
www.ziyouz.com kutubxonasi

---

210
ладилар. Одамлар оқими барча биноларни тўлдириб юборди. Икки 
кун давомида ғазаб алангаси авж олди. Иккинчи кун охирига келиб, 
санкюлотлар тор-мор қилинди ва қуролсизлантирилди, уларнинг 
йўлбошчилари – сўнгги якобинчилар ўзларини ўлдирдилар, кимлар 
шундай қила олмаган бўлса, гильотинага борди. Кўплар қамоққа 
ташланди, сургун қилинди.
Бу қўзғолон Буюк француз инқилоби давридаги санкюлотлар-
нинг сўнгги оммавий чиқишлари эди.