Ўзбекистон республикаси олий

14. Этнолингвистика. Этнолингвистика этнография ва линг-вистика фан-
ларининг ўзаро муносабатидан шаклланиб, этник белги бўлган тилга халқ та-
рихий тараққиётининг, ривожланишининг, халқ турмуш, урф-одатларининг, 
моддий ва маънавий маданиятининг таъсирини, уларнинг тилда воқе бўли-
шини ўрганади. Этнолингвистика тил ва жамият муносабатини тадқиқ 
қилишда этник факторларнинг ўрни, аҳамияти, роли кабиларни аниқлайди, 
этник ва лисоний омилларнинг ўзаро таъсирини, боғлиқлигини акс эттиради.
15. Математик лингвистика. Математик лингвистика тилни ўрганиш ва 
тасвирлаш жараёнида математик усулларнинг (масалан, статистик усул, ин-
формация назарияси кабиларнинг) қўлланиш имкониятларини текширади.
16. Нейролингвистика. Нейролингвистика нейрон ва линг-вистика 
сўзларининг ўзаро бирикувидан, қўшилишидан ҳосил бўлиб, инсон мияси-
даги нерв ҳужайраларининг, нейронларнинг тилни-сўзларни ҳосил 
қилишдаги вазифасини ўрганади. Нейрон нерв (асаб) системасининг асосий 
қисми, таркибий элементи сифатида тилни-тил ва нутқ бирликларини яра-
тишда фаол хизмат қилади, етакчи ҳисобланади. Шунга кўра нейролингви-
стика инсон нерв системаси билан алоқа қуроли-тил орасидаги узвий, дои-
мий, зарурий муносабатни ёритади. Шунингдек, у афатик нутқни, яъни ту-
шуниб бўлмайдиган, бузилган, «касалланган» нутқни, унинг турларини 
аниқлаш ва тасниф қилиш, физиологик нерв системаси, нутқ фаолияти каби-
лар доирасида тадқиқот ишларини олиб боради.
17. Компьютер лингвистикаси. Компьютер лингвистикаси амалий 
тилшуносликнинг бир бўлими бўлиб, унинг асосий мақсади тилшуносликка 
оид муаммоларни компьютер воситасида, бевосита унинг “раҳбарлигида” ҳал 
қилишдир. Аниқроғи, компьютер лингвистикаси тилларни ўқитиш 
(ўрганиш), муайян фанга оид билимларни баҳолаш, матнларни таҳрирлаш, 
бир тилдан иккинчи бир тилга таржима қилиш, статистик тадқиқотлар олиб 
бориш каби қатор жараёнларда фаол хизмат қилмоқда.