K I m y o ki my oga oi d atama lar etimilo gi ya si

Eliminatsiya   
Asosan  organik  kimyoda  qo‘llaniladigan  bu  termin  lotincha  eliminare  -  «haydab 
solmoq»,  «quvib  chiqarmoq»  so‘zlari  orqali  yasalgan.  Eliminatsion  reaksiyalarda  biror 
moddaning ajralib chiqib, tarkibdan olib tashlanishi sodir bo‘ladi. 
Empirik   
Turli tenglamalar va formulalar, shu jumladan, moddalarning formulasi ham empirik 
bo‘lishi mumkin.  Bu degani,  mazkur tenglama  yoki,  formulani  olimlar nazariy hisoblashlar 
usuli bilan emas, balki, amaliy tajribalar, kuzatishlar va sinovlar orqali olishganligini bildiradi. 
Termin ildizi yunon tilida aynan «tajriba» hamda, «malaka» ma’nosini bildiruvchi  empeiria 
so‘zidir.  
Energiya   
Bu termin ham ilm-fanda juda tez-tez uchraydigan termin bo‘lib, afsuski, o‘zbek tilida 
ko‘pchilik ushbu terminning mohiyat-ma’nosi «quvvat» so‘ziga sinonim deb o‘ylashadi. Bu – 
yanglish  fikr  bo‘lib,  energiya  va  quvvat  tamomila  boshqa-boshqa  ilmiy  tushunchalardir. 
Energiya so‘z yunoncha ergon - «ish», «yumush», «mehnat» so‘zlaridan olingan. Ushbu o‘zak 
shuningdek, «erg», hamda, «ergonomika» so‘zlarida ham markaziy o‘rin tutadi.