K I m y o ki my oga oi d atama lar etimilo gi ya si

Kaliy       
Arab  tilida  «al-quili»  deb  yuritiladigan  so‘z  kulni  va  chog‘lanib  turgan  narsani 
bildiradi.  Arablar  o‘simliklarning  poyasini  yoqishdan  qolgan  kuldan  ajratib  olinadigan 
ishqorni, ya’ni, kaliy karbonatini ham shu nom bilan atashgan. Hozirda ham qishloq joylarda 

---

59 
 
kulni  yerga  sepish  orqali  yerni  kaliyli  o‘g‘itlash  amaliyoti  uchrab  turadi.  Shuningdek,  opa-
singillarimiz  idishlarni  kullab  yuvish  orqali  ularni  oppoq  qilishni  qoyillatishadi.  Masalan, 
kungaboqar poyasini yoqishdan qolgan kulda 30% gacha kaliy bo‘ladi.  
Arabchadagi «al quili» so‘zidan «al-» old qo‘shimchasini olib tashlab, uni faqat «qiuli» 
tarzida talaffuz qilinishi Yevropa xalqlarida ommalashib ketgan va unga  keyinchalik  «-um» 
qo‘shimchasini  qo‘shish  orqali  kalium  ko‘rinishiga  keltirib  qo‘yishgan.  Zamonaviy  jahon 
tillarining  aksariyatida  bu  so‘z  aynan  kaliy,  yoki,  shunga  o‘xshashroq  tarzda  ifodalanadi. 
Xususan, serb va makedon tillarida kalium, yunonchada kalio, nemischa, gollandcha, norveg 
va shved tillarida ham kalium deyiladi. Ushbu element mutlaqo boshqacha nomlanadigan kam 
sonli tillarga chex va slovak tillari ham kiradi. Ularda ushbu elementni draslik deyiladi. Ingliz 
tilida  esa  kaliyni  potassium  deyiladi.  Kimyogarlar  potash  deb  ataydigan  narsa  aynan  shu 
kaliydir.  U  ham  kul  so‘zi  asosida  yasalgan.  Ya’ni,  inglizchadagi  «ash»  so‘zi  ham  kulni 
bildiradi. «Pot» esa tuvakni ifodalaydi. Polyak, ispan va italyan tillarida ham kaliyni potash 
deb ataladi. Faqat ularda til qoidalariga ko‘ra bu so‘z potasió (ispancha), potassio (italyancha), 
hamda,  potas  (polyakcha)  ko‘rinishida  yoziladi.  Bizda  esa  potash  deganda  kaliy  karbonati 
tushuniladi. Avvallari kaliy karbonatini katta-katta xumlarda kulni qaynatish orqali olishgan. 
Bilasizki,  kul  juda  ishqoriy  modda  bo‘lib,  o‘yuvchi  xossalarga  ega.  Kulning  va  kaliy 
elementining  Arabchadagi  «al  quili»  ko‘rinishdagi  nomi  «alkali»  tarzida  ko‘plab  Yevropa 
tillarida  ishqorlar  uchun  umumiy  nom  sifatida  ham  kirib  kelgan.  Shu  sababli  ham,  ishqorli 
batareykalar  ustida  «alkaline»  so‘zini  uchratish  mumkin.  Alkaloid  terminining  ildizi  ham 
aynan shu so‘z bilan bog‘liqdir.