K I m y o ki my oga oi d atama lar etimilo gi ya si

Molibden 
Qizig‘i  shundaki,  yunonchadagi  «molybdos»  so‘zi  qo‘rg‘oshin  metallini  anglatadi. 
O‘rta asrlarda nimaiki qo‘rg‘oshin rangida tovlangan bo‘lsa, uni molibdaena deyilgan. Ushbu 
nom  bilan, shuningdek qo‘rg‘oshin rangida  yaltiraydigan minerallarni, xususan, qo‘rg‘oshin 
yarqirog‘i – PbS mineralini, hamda, molibden yarqirog‘i – MoS
2
 mineralini ham nomlashgan. 
XVIII-asr  oxirida  molibdenit  (MoS
2
)  mineralidan  kimyogarlar  yangi  xil  metallni  kashf 
qilishgan. Yens Yakob Berseliusning taklifiga binoan, ushbu metallga molibden nomi berilgan.   
 
 
Volfram 
Ushbu element nomi olmon tilidan kelib chiqqan. Volfram nomli mineral Germaniyada 
qadim  zamonlardan  beri  odamlarga  yaxshi  tanish  bo‘lgan.  Bu  kimyoviy  formulasi 
xFeWO
4
.yMnWO
4
. shaklida yoziladigan aralashma volframat bo‘lgan. Ushbu mineral ancha 
og‘ir bo‘lgani uchun, uni ko‘pincha qalay rudasi bilan adashtirishga. Lekin, eritish jarayonida 
undan hech qanday metall ajratib olishning iloji bo‘lmagan. Shu sababli ham,  o‘rta asrlarda 
nemis  konchilari  ushbu  rudani  faqat  salbiy  taassurot  bilan  eslashgan.  So‘zning  ma’nosi 
nemischadagi «wolf» - bo‘ri va «ram» - so‘lak so‘zlaridan yasalgan. Demak, ushbu element 
nomini «bo‘ri so‘lagi» deb tarjima qilsak yaxshiroq bo‘ladi.  
Aytish  joizki,  volfram  termini  zamonaviy  kimyo  darsliklarida  faqat  nemis  tilida  va 
MDH  davlatlari  hududida  qo‘llaniladi  xolos.  Butun  dunyo  bo‘yicha  ushbu  elementning 
shvedcha  nomi  –  tungsten  kengroq  tarqalgan.  Bu  nomning  ma’nosi  esa  «og‘ir  tosh»  degani 
bo‘lib, uni ham Berselius o‘ylab topgan. Volframni ilk bora 1781-yilda Karl Vilgelm Sheele 
(1742-1786)  qandaydir  og‘ir  tosh  ko‘rinishidagi  mineraldan  oksid  holida  ajratib  olgan  edi. 
Keyinchalik  ushbu  mineralning  o‘zi  ham  Sheele  sharafiga  «sheelit»  deb  yuritila  boshlagan. 
Uning formulasi CaWO
4
 tarzida ifodalanadi.   
 
 

---

58