Ўзбекистон республикаси олий ва ўрта махсус таълим вазирлиги самарқанд давлат чет тиллар институти

Илғор педагогик технологиялардан фойдаланишнинг истиқболлари. 
Ўқитувчининг мақсади: Янги педагогик технологияларнинг мақсад ва вазифаларини 
тушунтириш, педагогик технологиялардан таълим тизимида фойдаланишнинг аҳамиятини 
ёритиш, илғор педагогик технологияларнинг истиқболлари ҳақида тушунча бериш, 
талабаларни фанга бўлган қизиқишини ошириш.
Муаммолар
Сизнингча, ривожланган мамлакатлар таълим тизимида қўлланиладиган педагогик 
технологиялар билан Ўзбекистон таълим тизимида қўлланиладиган педагогик технологиялар 
ўртасидаги боғлиқлик ва фарқ мавжудми?
Ўзбекистон Республикаси таълим тизимининг барча босқичларида янги педагогик 
технологияларни ислоҳ қилиш мумкинми?
Таълим тизимида ислоҳ қилинаётган педагогик технологияларни солиштиринг ва 
фарқини айтинг. 
Идентив ўқув мақсадлари. 
1. 
Янги педагогик технологияларнинг истиқболларини ўрганади. 
2. 
Таълим тизимида педагогик технологиялардан фойдаланишнинг натижаларини 
таққослайди. 
3. 
Ўзбекистон Республикаси таълим тизимида янги педагогик технологияларнинг 
ислоҳ қилинишини изоҳлайди.
Кўпгина мамлакатлар ўқитишда технологик ёндашувдан фойдаланиб, ўқувчилар 
ўзлаштиришини оширишда сезиларли муваффақиятларга эришдилар. Масалан, Жанубий 
Кореяда педагогик технология бўйича синов-тажриба тарзида ўқиётган 50 минг боладан 
75% да анъанавий ўқитишда фақат энг яхши ўқувчилар эришадиган натижалар қўлга 
киритилган. Бир қатор бошқа мамлакатларда ўтказилган тажрибалар ўқитишнинг бу 
тизимини қўллаш ўртача ўқувчига одатий ўқитишда 80-85 % ўқувчилар эришадиган 
натижадан юқорироқ натижага эришиш имконини беришини кўрсатди. 
Педагогик технологияни ўзлаштириш Сингапур, Корея ва Японияга 9,13 ёшлик ва 
охирги ўқитиш йилидаги болалар ўртасида математика бўйича дастлабки учта ўринни 
эгаллаш имконини берди (TIMSS учинчи ҳалкаро математика ва илмий тадқиқотлар 
маълумотига кўра). Бу далил-исботлар таълим ва кадрлар тайёрлаш сифатини ошириш учун 
мактаб ўқитувчилари ва ўрта махсус, касб-ҳунар ҳамда Олий таълим ўқув юртларининг
профессор-ўқитувчилари педагогик технология методларини ўзлаштириб олишлари ва 
амалиётга жорий қилишлари лозимлигидан далолат беради. Бу кадрлар тайёрлаш миллий 
дастурининг "янги педагогик ва ахборот технологияларидан фойдаланиб талабаларни 
ўқитишни жадаллаштириш..." талабига муносиб жавоб бўлади. 
1992 йил мартида Ўзбекистон Республикаси Президенти И.А.Каримов фармони билан 
Олий ўқув юртларига қабулни тест асосида ўтказиш жорий қилинди. Бу илгарилари 
фойдаланиш тақиқланган ёки чекланган педагогик тест синовларининг таълим тизимига кенг 
жорий қилинишига асос солди. Ҳозирги кунда Олий ва Ўрта махсус мактаб муаммолари 
институтида олий ўқув юртлари ўқитувчиларига педагогик технологияни ўзлаштиришларида 
ёрдам беришга даъват этилган ўқув сифати ва педагогик технологиялар бўлими ишлаб 
турибди. Мазкур китоб унинг фаолиятининг дастлабки натижаларидан биридир. 
Ҳозирги кунда педагогика мухитида педагогик технологияга қизиқиш кучайганлиги 
кузатилмокда. Биз педагогик технологиянинг яхлит тизими назариясини баён қилишни 
мақсад қилиб қўймаганмиз. Вазифа мактаблар, ўрта махсус, касб-хунар ва олий ўқув 
юртлари ўқитувчиларига таълимга технологик ёндашув (мазкур нашрнинг чекланган хажми 
доирасида) тўғрисида минимал зарур ахборотни беришдан иборат. Бунда педагогик 

---

18 
технологиянинг муштарийга технологик ёндашув элементларини ўзи мақсадга мувофик, деб 
ҳисоблайдиган ҳолатларда ўз иш амалиётига жорий қилиш имкониятини берадиган кенг 
тарқалган вариантларини баён қилишга кўпроқ эътибор берилади.