Ўзбекистон республикаси олий ва ўрта махсус таълим вазирлиги самарқанд давлат чет тиллар институти

 
п.ф.н., доц. Э.А.Искандаров 
 
 
 
 
п.ф.н., катта ўқитувчи С.Т.Юлдашева 
Ушбу маърузалар матни Самарқанд давлат чет тиллар институти ўқув-услубий 
Кенгашида кўриб чиқилиб, тавсия қилинган (2015 йил _____ даги «____» баённома) 
 
 
 

---

4 
КИРИШ 
Юртимизда қабул қилинган "Кадрлар тайёрлаш миллий дастури" ва "Таълим 
тўғрисида"ги Қонунда белгиланган юқори малакали мутахассисларни тайёрлашда энг илғор, 
инновацион таълим технологияларини жорий этиш долзарб вазифадир.
Бугунги кунда педагогик технологиялар асосида машғулотларни ташкиллаштириш - 
бу жаҳон таълим стандартлари талабларига мос равишда дарс ўтиш демакдир.
Шунинг учун ҳам кейинги йилларда таълим тизимида “Педагогик технологиялар ва 
педагогик маҳорат” фан сифатида олий таълим тизимидан чуқур ўрин олмоқда, чунки 
таълимга технологик ёндашув орқали педагогик жараёнга инновацион таълим 
технологияларини татбиқ этиш ўз самарасини кўрсатмоқда.
Шу нуқтаи назардан талабаларга педагогик технологиялар ва педагогик маҳорат 
ҳақида маълумот бериш, уларни шу асосда уларни етук мутахассислар қилиб етиштириш 
бугунги куннинг талабидир. 
Ушбу маърузалар матни “Педагогик технологиялар ва педагогик маҳорат” фани 
бўйича таълимнинг стратегик асослари, педагогик технологияларнинг илмий-назарий 
асослари, талабаларда ўқув жараёнида педагогик технологияларни қўллаш бўйича керакли 
билим, кўникма ва малакаларни шакллантиришни кўзда тутади.
"Педагогик технологиялар ва педагогик маҳорат" фани филология, лингвистика 
(тиллар бўйича), таржима назарияси ва амалиёти мутахассисликлари бўйича таълим олаётган
магистрлар учун мўлжалланган бўлиб, у бевосита талабаларда педагогик технологияларни 
қўллаш, педагогик маҳоратни шакллантириш, таълим-тарбияда кўзланган мақсадга эришиш 
учун ўқув жараёнида қўлланиладиган инновацион шакл, метод ва воситалар мажмуи ҳақида 
маълумот беришдан иборат.