Ижобий психология, стресс бошқаруви – мактабларда

 
Керакли материаллар: Ушбу машқни деворга ёпиштирилган қоғоз дарахт 
ёки вазага солинган ҳақиқий дарахт шохлари ёрдамида бажариш мумкин. 
Вариант 1 – Дарахт шохлари 
Шохларни солиш учун банка ёки гулдон. 
Ҳар-хил ҳашоратлардан тозаланган ва гулдонга мос тегишли ҳажмда 
кесилган кичкина қуруқ шохчалар; 
Гулдонни тўлдириш учун тошлар ёки шу каби нарсадан фойдаланиш 
мумкин, бунда дарахт шохлари уларга қотирилади; 
Турли хил рангда ва шаклда (барг, гул, мева ёки бошқа исталган шаклда) 
қирқилган қоғоз парчалари (тайёр шаклли стикерлар маъқул кўрилади); 
Қалам ва ручкалар; 
Калта тасмалар; 
 
Вариант 2 – Қоғоз дарахт
Жигарранг қоғоздан ёки картондан дарахт танаси шакли кесилади ва 
деворга
ёпиштирилади; 
Турли хил рангда ва шаклда (барг, гул, мева ёки бошқа исталган шаклда) 
қирқилган қоғоз парчалари (тайёр шаклли стикерлар маъқул кўрилади); 

---

Қалам ва ручкалар; 
Кўрсатма: Миннатдорчилик дарахтини аввалдан тайёрлаб қўйинг, лекин 
баргларини илманг. Биринчи куни ҳар бир ўқувчига барг (ёки бошқа) шаклдаги 
қоғоз парчаси (ёки тасмасини) беринг ва бутун синф билан биргаликда бу 
миннатдорчилик машқини бажаришингизни айтинг. Қоғоз барг устига, улар 
миннатдор бўлган (шукур қилган) бирор бир нарсани ёзиши ва дарахтга 
ёпиштириши учун ҳар бир ўқувчини бирма-бир таклиф қилинг. Ўқувчилар ўз 
исмларини қоғозга (стикерга, тасмага) ёзишлари шарт эмас. 
Қоғоз барглар ўқувчилар учун ҳар доим тайёр бўлиши керак, келгуси 
кунларда ўқувчилар синфга кирган ёки чиққан пайтларида дарахтга 
миннатдорлик баргларини ёзиб, қўшиб қўйишлари мумкин. 
Ўқитувчи синфга ижобийлик ҳисси етишмаётганини, ўқувчиларнинг 
кайфияти тушганини сезса, ўқитувчи шу ёпиштирилган миннатдорчилик 
баргларидан бир нечтасини олиб синфга ўқиб беради. 
Бу бир неча ҳафта ёки бутун ўқув йили давомида бажарилиши мумкин.