Ижобий психология, стресс бошқаруви – мактабларда

Позитивлик девори 
Муҳокама: Оптимистлар одатда мактабда, ишда ва дарсдан ташқари фаол 
ишлайдилар. Бундан ташқари, улар одатда қобилият тестларида юқорироқ баҳолар 
олишади, лавозим сайловларни кўпроқ ютишади, бошқаларга қараганда соғломроқ 
бўладилар ва ҳатто узоқроқ умр кечиришлари ҳам мумкин. Ижобий фикрларни 
бошқалар билан баҳам кўриш – бу ўзингиз ва бошқалардаги оптимизмни 
оширишнинг яхши усули. 
Керакли вақт: биринчи куни синфга тушунтириш учун 5-10 дақиқа 
ажратинг. Кейин мунтазам равишда ўқувчиларга деворга ижобий фикрларни 
ёпиштиришлари учун бир неча дақиқа беринг. 
Керакли материаллар: 
«Позитивлик девори» эълони (иловага қаранг) 
Ҳар-хил рангдаги ёпишқоқ қоғозлар (стикер) 
Ручка ва қаламлар 
Кўрсатма : «Позитивлик девори» эълонини чиқаринг. Биринчи куни ҳар 
бир ўқувчига стикерларни тарқатинг ва бутун синф бўлиб ижобий фикрларни 
(ҳисларни) алмашиш устида ишлашингизни айтинг.
Ёпишқоқ қоғоз (стикер)га 
ижобий фикр ёзиш кераклигини тушунтиринг ва ҳар бир ўқувчини ёзган 
қоғозларини деворга ёпиштириш учун таклиф этинг.
Ўқувчилар ўз исмларини 
қоғозга ёзишлари шарт эмас. 
Кейинги кунларда ўқувчилар ёзишга осон киришишлари ва ижобий 
фикрларни деворга ёпиштиришлари ёзувларни осонлик билан ўқинг. 
Стикерларни ўқувчилар учун ҳар доим тайёр қилиб қўйинг, келгуси 
кунларда ўқувчилар синфга кирган ёки чиққан пайтларида улар ҳаёлларидаги 
ижобий фикр ва ҳисларни ёзиб, деворга ёпиштириб қўйишлари осон бўлсин. 

---

Ўқитувчи синфга ижобийлик ҳисси етишмаётганини, ўқувчиларнинг 
кайфияти тушганини сезса, шу ёпиштирилган қоғоздаги ижобий фикр ва ҳисларни 
бир нечтасини олиб, синфга ўқиб беради. 
Бу бир неча ҳафта ёки бутун ўқув йили давомида бажарилиши мумкин. 
Лойиҳанинг охирида талабаларни ўзларини шу ёпиштирилган қоғозларни ўқишга 
таклиф қилинг.
Ҳамма қоғозлар ўқиб девордан олингунча давом этинг. 
Бу, шунингдек, бир нечта синф ўқувчилари иштирокида ягона умумий 
“Позитивлик девори” ни яратган холда катта мактаб лойиҳаси сифатида 
ўтказилиши ҳам мумкин.