Ижобий психология, стресс бошқаруви – мактабларда

---

Ўзбекистон Республикаси Халқ таълими вазирлиги 
Ўқувчиларни касб-ҳунарга йўналтириш
ва психологик-педагогик Республика ташхис маркази 
ИЖОБИЙ ПСИХОЛОГИЯ, СТРЕСС 
БОШҚАРУВИ – МАКТАБЛАРДА 
ПСИХОЛОГИК ФАРОВОНЛИК 
ЙЎЛИДА
Умумтаълим муассасалари ўқувчилари 
ўртасида зўравонликнинг олдини олишга 
қаратилган психолог ва педагоглар учун 
ўқув-услубий дастур 
 
Лори Вульф 
Миннесота, АҚШ, Анока-Рамси коллежи Психология кафедраси профессори,
Халқаро Фулбрайт лойиҳаси олимаси 
Тошкент – 2019 

---

 
Умумтаълим муассасалари ўқувчилари ўртасида зўравонлик ҳолатларини олдини 
олишга қаратилган психолог ва педагоглар учун мўлжалланган
ўқув-услубий дастур ҳақида 
Ушбу ўқув-услубий дастур Ўзбекистон Республикаси Президентининг
2019 йил 29 апрелдаги “Ўзбекистон Республикаси халқ таълими тизимини
2030 йилгача ривожлантириш концепциясини тасдиқлаш тўғрисида” ПФ-5712-сон 
Фармони билан тасдиқланган “Ўзбекистон Республикаси халқ таълими тизимини 
2030 йилгача ривожлантириш концепциясини 2019 йилда амалга ошириш бўйича 
“Йўл харитаси”нинг 10-банди ижросини таъминлаш мақсадида ишлаб чиқилган 
бўлиб, умумтаълим муассасалари ўқувчилари ўртасида зўравонликнинг олдини 
олишга қаратилган ўқув-услубий қўлланмадир. 
Мазкур дастур АҚШнинг Миннесота штати, Анока-Рамси коллежи 
Психология кафедраси профессори, Халқаро Фулбрайт лойиҳаси олимаси Лори 
Вульф томонидан ишлаб чиқилган ҳамда Ўзбекистон Республикаси Халқ таълими 
вазирлиги, Ўқувчиларни касб-ҳунарга йўналтириш ва психологик-педагогик 
Республика ташхис маркази мутахассислари ва миллий психолог олимлар 
жамоаси томонидан ижтимоий-маданий жиҳатдан мослаштирилган. Ўқув-услубий 
дастур ва ундаги назариялар, тавсиялар ва машғулотлар профессор Лори Вульф 
иштирокида Тошкент шаҳрида 4 та мактабда муваффақиятли синовдан ўтказилди. 
Шунингдек, профессор Лори Вульф томонидан 14 та ҳудуд (Тошкент шаҳри, 
вилоятлар ва Қорақалпоғистон Республикаси)ларда методист-психолог ва мактаб 
психологлари учун “Ижобий психология, стресс бошқаруви – мактабларда 
психологик фаровонлик йўлида” мавзусида тренерлик фаолиятига қаратилган бир 
кунлик ўқув-тренинглар олиб борилди. 
Қўлланмани яратиш ва уни умумтаълим муассасалари амалиётига тадбиқ 
этишдан асосий мақсад ўқувчилар ўртасида ўзига ва ўзгаларга зарар етказувчи бир 
қатор девиант хулқ-атвор кўринишлари, айниқса зўравонликни олдини олиш 
ҳамда бартараф этишдир. 
Умумтаълим муассасалари ўқувчилари ўртасида зўравонликнинг олдини 
олишга қаратилган мазкур ўқув-услубий дастурдан психолог ва педагоглар дарс 
жараёнида таълим-тарбия сифатини яхшилаш, ўқувчиларнинг ҳар томонлама 
фаоллигини ошириш, мактаб ва синф жамоасида ижобий ижтимоий иқлимни 
яратиш мақсадида фойдаланишлари мумкин. Мазкур дастур ёрдамида таълим ва 
тарбия жараёнида бойитувчи педагогик-психологик технология сифатида 
фойдаланиш самара беради.