Microsoft Word Қўнғироқлар устаси docx

- телефон рақамларни алмашиш (шунингдек, кўпинча чиқиш қўнғироғида аниқ вақтни 
келишиш). Нега рақамларни алмашиш керак? Рақамларни алмашишда одам ўз рақамини 
беради, демак ҳеч бўлмаса битта қўнғироққа рухсат беради. 
Агар телефон рақами йўқ бўлса – мижоз билан алоқа ҳам бўлмайди, биз вазиятга ҳеч 
қандай таъсир кўрсата олмаймиз ва “денгизда қулай ҳавони”, яъни мижоз қачон ўзи қўнғироқ 
қилишини кутишга мажбур бўламиз.
Агар мижоз консультация олиш, нархларни билиш ёки маслаҳатлашиш учун қўнғироқ 
қилганда қандай йўл тутиш керак? Жавоб оддий: агар сиз ўз маҳсулотингиз (хизмат) ва унинг 
кишига фойдали жиҳатлари ҳақида етарлича маълумотга эга бўлмасангиз, мулоқот қилиш 
маҳоратингиз ва ўзингизга бўлган ишончингиз етарли даражада бўлмаса, унда албатта 
шунчаки консультация беринг ва нархларни айтинг. Балки, мижозларнинг кўнгли тўлар. 
Харид ҳам қилишар, бироқ сиздан эмас. Лекин сизга натижа муҳим бўлса, унда келинг 
ҳақиқатга тик қараймиз: билим ва кўникма, ҳатто “консультация” етарли даражада бўлганда 
қўнғироқлар учрашувга айланиши мумкин ва лозим! Ҳар ким товар ёки хизмат билимига иш 
жойида эга бўлади, самарали мулоқот алгоритми ва скриптлари ҳақида эса ушбу китобда баён 
қиламан. 
Чиқиш қўнғироқлари учун максимум мақсад ҳам худди шундай: аниқ вақтда 
учоашув белгилаш! Агар қўнғироқ қайноқ бўлса, яъни сиз мижозингиз бўлган кишига 
қўнғироқ қилсангиз, сиз барибир унга маҳсулотингизни сотиш учун мурожаат қиласиз. Демак 
мақсад бир хил. Шартнома имзолангандан кейин маҳсулот қачон келишини айтиш учун 
мижозга қўнғироқ қилганингизда қайта қайноқ қўнғироқлар ҳақида гапиришдан маъно йўқ. 
Бу қўнғироқлардан мақсад – маълумотни етказиш. Агар қўнғироқ илиқ бўлса ва сиз компания 
мижозига қўнғироқ қилаётган бўлсангиз, лекин мижоз сизни шахсан танимаса, маҳсулот ёки 
хизматингизни потенциал савдосидан бошқа яна қандай сабаб бўлиши мумкин? Фақат бирор 
нима ҳақида хабардор қилиш учун, бироқ бундай қўнғироқларни қандай амалга оширишни 
ҳеч кимга ўргатиш шарт эмас: шунчаки қўнғироқ қилиш ва оддий маълумотни етказиш. 
Максимум мақсад эса – доим учрашув, доим натижа! 
Совуқ қўнғироқларда максимум мақсад – аниқ вақтда учрашув белгилаш! Мақсад