O`zbekiston respublikasi sog`liqni saqlash vazirligi toshkent farmatsevtika instituti

 
1.4. Sifatni ta’minlovchi elementlar 
Ishlab chiqarish korxonasida “Sifatni ta’minlovchi tizim” ni tashkil etishda bir qancha 
asosiy majburiy elementlar ishtirok etadi. Quyida ushbu elementlarni ko‘rib chiqamiz. 
Sifat bo‘yicha siyosat 
“Sifatni  ta’minlovchi  tizim”  ni  tashkil  etish  korxonada  sifat  bo‘yicha  siyosatni 
shakllantirishdan boshlanadi. Korxona rahbariyati, ishlab chiqariladigan mahsulot sifatini 
ta’minlash  maqsadida  asosiy  yo‘nalishi  va  maqsadni  oldindan  rejalashtirishi  lozim. 
Ushbu hujjat katta tarbiyaviy ahamiyatga ega, shu sababli uni shior kabi barcha ko‘rishi 
uchun osib qo‘yish lozim. Sifat borasidagi korxona siyosati butun korxona ishchilariga 
tushunarli  bo‘lishi  kerak.  Rahbariyat  va  xodimlar  ushbu  siyosat  bilan  tanishgan  va 
qo‘llab-quvvqtlangan bo‘lishi kerak. 
Korxonaning ishchi xodimlari “Sifatni ta’minlovchi tizim” ni tashkil etish va amalga 
oshirishda  asosiy  bosh  bo‘g‘inlardan  biri  hisoblanadi.  Shuning  uchun  “Sifatni 
ta’minlovchi  tizim”  ni  korxonada  joriy  etishda  sifatni  oshirish  bo‘yicha  qo‘yiladigan 
talablar  barchaga  tushunarli  bo‘lishi  ushbu  tizimni  ijobiy  o‘zlashtirilishi  garovidir. 
“Sifatni  ta’minlovchi  tizim”  ni  samarali  ishlashida  bir  fikrga  ega  jamoa  bo‘lishi  va 
o‘zgarishlar ham jihatlikda o‘ztkazilishi kerak. 
Xodimlar javobgarligi va vakolatlari 
Ishlab chiqariladigan mahsulot sifatini ta’minlashda ishchi xodimlarning javobgarligi, 
vakolati va bir-biri bilan ish yuzasidan muloqotga kirishishi  aniq bo‘lishi, korxonadagi 
xodimlar  vakolati  va  javobgarligi  tashkiliy  chizma  (sxema)  va  xodimlarning  lavozim 
yo‘riqnomalari asosida belgilangan va hujjat orqali tasdiqlangan bo‘lishi kerak.
3
 
Korxonaning tashkiliy chizmasi (sxemasi) ni qanday tushunish lozim? 
Sifatni  ta’minlash  tamoillarini  aniqlash  uchun  ishlab  chiqarishda  qaysi  faoliyat 
mahsulot sifatiga bevosita ta’luqligini aniqlash kerak. 
Albatta, bu dastlab – umumiy rahbariyat (direktor) mahsulot sifatiga javob beruvchi 
shaxs; ishlab chiqarish bo‘limi yoki bo‘limlari va omborxona, sifat nazorati bo‘limlari, 
hujjatlarni yuritish bo‘limi, savdo bo‘limi  – xom ashyo va materiallarni hamda asbob-
uskunalarni sotib olish uchun me’yoriy bo‘lim, tayyor mahsulotni sotuvga chiqarishga 
mas’ul – logistika bo‘limi – injenerlik xizmati – injenerlik va asbob – uskunalarni o‘lchov 
– nazorati uchun mas’ul bo‘lim, marketing bo‘limi – is’emolchi bilan ishlash bo‘limi. Bu 
ro‘yhatni yanada davom ettirish mumkin. Masalan, ilmiy  – ishlab chiqarish korxonasi 
bo‘lsa, unda albatta ilmiy tekshirish bo‘limlari bo‘ladi va hokazo. Korxona rahbariyati 
albatta har bir bo‘limlardan qay biri ishlab chiqariladigan mahsulot sifatiga ko‘proq ta’sir 
ko‘rsatishini  biladi  va  shu  sababli  o‘zi  tashkiliy  chizmaning  tarkibini  (elementlarini) 
belgilaydi. Chizmada bo‘limlarni bir-biri bilan bog‘lanishi va ularni bir-biriga bo‘ysinishi 
ko‘rsatilishi kerak. 
                                           
3- 
3
 Комментарий к руководству  европейского союза по надлежащей практике производства лекарственных средств для 
человека и применения  в ветеринарии: Правила, регулирующие лекарственные средства в Европейском Союзе.  / Под. ред.   С.Н. Быковского, 
И.А. Василенько, С.В. Максимов. –М. : Изд-во «Перо», 2014.-488с.  
 

---

 
Keyingi  bosqich  -  boshqaruv  bo‘limlari  boshliqlari  uchun  lavozim  yo‘riqnomasini 
tuzish  va  tasdiqlashdir.  Lavozim  yo‘riqnomalarini  tuzishda  har  bir  rahbarning  etarli 
vakolatlar  bilan  ta’minlanganligiga  e’tibor  berish  kerak.  Masalan,  1-jadvalda  ishlab 
chiqarishga  javobgar  shaxs  majburiyatlarining  eng  minimal  ro‘yhati  keltirilgan.  Agar 
xodim ushbu ro‘yhatda keltirilgan vazifalarga ko‘ra ko‘proq vakolatga ega bo‘lsa, unda 
ro‘yhat to‘ldirilishi lozim. 
Ayrim  xollarda  lavozim  yo‘riqnomasiga  to‘liq  amal  qilish  –  korxonada  sifatsiz 
muhsulot  ishlab chiqrilishiga ham  sabab bo‘lishi  mumkin.  Bunday  holatlarda korxona 
rahbariyati  ushbu  masalaga  echim  topishi  zarur  va  bunda  bo‘lim  boshlig‘i  vakolatiga 
putur etmasligi kerak. 
1-jadval 
Ishlab chiqarishga mas’ul shaxsning vakolati va majburiyatlari