П. Мирхамидова, А.Ҳ. Вахобов, Қ. Давранов, Г. С. Турсунбоева

 
3.2. Микроорганизмларда моддалар алмашинуви механизми 
Микроорганизм хужайраси, озуқадан танасининг қисмларини тиклаш, 
ферментлар, пигментлар, ўстириш омилларини, токсинларнинг синтези ва 
энергия ҳосил қилиш учун фойдаланади. Луи Пастер микроорганизмларнинг 
айрим турлари иккита оптик антиподларнинг биттасидан фойдаланиши, 
иккинчисидан эса, фойдаланилмаслиги аниқланган. Масалан, Penicillium 
glaucum вино кислотасининг L-изомеридан, Streptococcus lactis сут 
кислотасининг 
L-изомеридан 
фойдаланиши 
аниқланган. 
Кўпчилик 
бактериялар лейцинни L-изомеридан яхши фойдаланишади. Кўпчилик 
бактериялар D-изомерлардан фойдалана олмайдилар. 
Метаболизмда иккита, бир-бирига қарама-қарши ва шу билан бирга 
ягона жараён рўй беради: конструктив ва энергетик. Конструктив моддалар 
алмашинуви энергия ютиши билан боради. Бу моддалар алмашинуви учун 
хужайранинг унча катта бўлмаган миқдордаги озуқа материали сарфланади. 
Энергетик моддалар алмашинувида ҳосил бўлган энергия, хужайра учун 
зарур бўлган энергияга айланади. Шу жараён содир бўлиши учун кўп 
миқдордаги озуқа сарфланади. Иккита жараён алоҳида эмас, балки бир-
бирини тўлдириб турувчи жараёндир.
 
3.3. Ферментлар ва уларнинг моддалар алмашинувидаги роли 

---

 69 
Ферментлар - тирик хужайра томонидан ишлаб чиқариладиган юқори 
молекуляр тузилишга эга бўлган биологик катализаторлардир. Улар оқсил 
табиатига эга. Микроорганизмлардаги моддалар алмашинувида алоҳида рол 
ўйнайди. Микроорганизмлар томонидан ишлаб чиқарилган ферментлар 
турли-туман таъсирга ва юқори фаоликка эга. Улардан қишлоқ хўжалигида, 
тиббиётда ва бошқа соҳаларда кенг фойдаланилади. 
Моғор замбуруғи томонидан ишлаб чиқарилган амилаза ферменти 
ёрдамида крахмалнинг парчаланиши жараёнидан пиво тайёрлашда, спирт 
ишлаб чиқаришда, нон пиширишда фойдаланилади. Микроорганизмлар 
ферментидан 
тиббиёт 
саноатида 
алкалоидлар, 
полисахаридлар, 
гидрокартизонлар, преднизон, преднизолон ва бошқаларни ишлаб чиқаришда 
ҳам фойдаланилади. Бактерияларнинг каучук, пахта, ипак, кофе, какао, 
тамаки ва бошқаларни қайта ишлашда роли катта. Микроорганизмларнинг 
синтезлаш ҳусусияти жуда юқори. Микроорганизмларнинг биокимёвий 
фаолияти фотосинтездан кам эмас. Ферментлар микроорганизмларга метан, 
бутан ва бошқа углеводородларни бириктириб олишига ва улардан мураккаб 
органик 
бирикмалар 
синтезлашига 
имкон 
беради. 
Ферментлар 
экзоферментлар, эндоферментлар, конститутив ва индуктивларга бўлинади.
Экзоферментлар хужайрадан ташқарида, эндоферментлар хужайранинг 
ичкарисида фаолият кўрсатадилар. Конститутив ферментлар ҳар доим 
маълум миқдорда хужайранинг таркибида бўладилар. Унга липаза, 
карбогидраза, протеиназа ва бошқаларни ҳосил қилиб кўрсатиш мумкин. 
Индуктив ферментлар қачонки хужайрада уларга эҳтиёж сезилгандагина 
ҳосил бўладилар (пенициллиназа, декарбоксилаза). Бактериялар, сув ўтлари, 
замбуруғлар, ўсимликлар голофит усулида озиқланадилар. Улар озиқани 
эркин ҳолатда қабул қиладилар. Эритманинг паст концентрациясини, 
бактерия цитоплазматик мембранасининг юқори концентрацияли зонасидан 
ўтиши, осмос ходисасига асосланади. Бактериал хужайра мембранаси 
моддалар алмашинувида катта рол ўйнайди.