П. Мирхамидова, А.Ҳ. Вахобов, Қ. Давранов, Г. С. Турсунбоева

 
3.6. Уч карбон кислоталар ҳалқаси (кребс ҳалқаси) 
Глюкозанинг гидролизланишидан ҳосил бўлган пироузум кислотаси 
ҳужайра метаболизмида марказий ўринни эгаллайди ва бу ҳолат биокимёда 
ҳужайранинг нафас олиши деб юритилади. Нафас олиш жараёнида 
пируватдан ташқари ёғ кислоталари ва қатор аминокислоталар ҳам тўла 
оксидланадилар. Бу жараён уч босқичга бўлинади: 

---

 74 
Биринчи босқичда - ҳужайрада энергия ролини ўйнайдиган органик 
бирикмалар, ацетил-ко-энзим А таркибига кирадиган икки углеродли 
фрагмент - ацетил-СН
3
СО гача оксидланадилар. 
Иккинчи босқичда - ацетил гуруҳлар лимон кислота халқасида 
парчаланиб, водород атомлари ва СО
2
ни ҳосил қиладилар. 
Учинчи босқичда – водород, протонлар ва электронларга парчаланади. 
Сўнгра электронлар митохондрияларнинг ички мембраналарида жойлашган 
электрон ташувчилар орқали молекуляр кислородга узатилади ва Н
2
О ҳосил 
қилиб, қайтарилади. 
Пируватнинг оксидланиш ва декарбоксилланиши жараёнида уч хил 
ферментлар: 
пируватдегидрогеназа (F
1
),
дегидролипоил-ацетилтрансфераза (F
2
),
дегидролипоил-дегидрогеназа (F
3
) лар иштирок этади. 
Бу тизимни Лестер Рид ва унинг шогирдлари ўрганган. Организм учун 
зарур бўлган витаминлардан: тиамин (ТФФЗ да), рибофлавин (ФАД да), 
пантотен кислотаси (КоА да) ва никотинамид (НАД
+
да) шу тизимнинг 
таркибий қисми ҳисобланади.

---

 75 
14-расм. Mikroorganizmlarning nafas olish sikli 
 
Микроорганизмларнинг озиқланиши 
Озиқланиш жараёнида ферментларнинг аҳамияти катта. Чунки 
микроорганизмлар турли органик моддаларни химиявий, шу йўл билан 
парчаланиб, озиқланадилар ва баъзилари шу жараёнда нафас ҳам оладилар. 
Микроб. парчаланган органик моддаларни қабул қилиб, сўнгра уларни ўз 
ҳужайрасида қайтадан синтез қилади ва танасинииг айрим қисмларини 
тузади. 
Ферментлар мураккаб бирикма ҳисобланадилар. Улар 20 та 
аминокислотадан тузилган. Ферментларнинг молекула оғирлиги бирнеча 
мингдан, бирнеча миллионгача бўлади. Ферментлар ўзига хос хусусиятга ва 
фаолликка эга. Ферментлар специфик хусусиятига кўра 3 та гуруҳга 
ажратилади.
1. Паст спецификликка эга ферментлар. Бу гуруҳга барча гидролитик 
ферментлар: амилаза, липаза, пектиназа, целлюлаза, эстеразалар ва бошқалар 
киради. Юқорида кўрсатилган ферментлар ҳар хил тезликда полимер, 
олигомер ҳамда кичик молекулали субстратларга таъсир кўрсатадилар.
2. Гуруҳ спецификликка эга бўлган ферментлар. Ҳар хил гексозаларни 
фосфориллаш реакциясини олиб борувчи гексокиназа ферменти бир-бирига 
ўхшаш структурага эга бўлган субстратларга таъсир кўрсатади.
3. Абсалют спецификликка эга бўлган ферментлар. Бундай ферментлар 
структураси жуда ҳам яқин бўлган субстратларни секин ўзгартириш 
ҳусусиятига эга. Масалан, дегидрогенезалар водород атомини субстратдан 
коферментнинг никотинамид ядросининг аниқ томонига ўтказадилар. 
Фементларни фаоллигини паст молекулали органик бирикмалар ёки 
метал ионлари билан бошқариб туриш мумкин. Бу механизм мураккаб 
биосинтетик жараёнларда иштирок этувчи ферментларга хос бўлиб, 

---

 76 
дастлабки ферментлардан бирини охирги махсулот билан ингибирланиши 
кузатилади ва натижада, бутун жараённинг секинлашувига ёки бутунлай 
тўхтаб қолишига сабаб бўлади.
1898 йилда Л. Пастернинг шогирди Эмиль Дюкло ферментларнинг 
номларига “аза” сўзини кўшишни тавсия этди. Масалан, крахмалга таъсир 
этадиган ферментни - амилаза, ёғ моддаларига таъсир этувчини - липаза ва 
оқсилга таъсир этувчини - протсиназа деб атала бошланди. Аммо баъзи бир 
ферментларнинг эски номлари ҳам қолди. Масалан, ошқозон ширасининг 
ферменти пепсин, сўлакнинг ферменти - птизлин ва бошқалар. Замонавий 
биология саноатида ферментлар ишлатилмайдиган корхоналар камдан-кам.