Oziq ovqat texnologiyasi

Takrorlash uchun savollar
1. Margarin ishlab chiqarish texnologiyasini parametrlari.
2. Margarin ishlab chiqarish usullari.
3. Margarin ishlab chiqarish bosqichlari
4. Uzluksiz margarin ishlab chiqarish texnologik sxemasi
5. Dozalash usullari
6. Aralashtirish, emulsiyalash jarayonlari
7. O‘ta sovitish jarayoni
8. Margarin retsepturasi qanday tuziladi?
9. Margarin ishlab chiqarishning asosiy xomashyolari
10. Margarin ishlab chiqarish texnologiyasining texnologik rejimlarini
12. Margarin ishlab chiqarish texnologiyasi
13. Quyma margarin ishlab chiqarish texnologiyasi
14. Suyuq margarin ishlab chiqarish texnologiyasi
15. Oshpazlik yog‘lari ishlab chiqarish texnologiyasi.


Tayanch so‘z va iboralar
Emulsiyalash; Aralashtirish; Dozalash; O‘ta sovitish; Struktura; Kristall struktura; Vatator (o‘ta sovitgich); Dekristalizatsiya; Banderollash; Konsistensiya; Tomizg‘i.
2 – MA’RUZA
MAYONEZ ISHLAB CHIQARISH TEXNOLOGIYASI


Reja: Mayonezni qo’llanilishi, resepturasi va assortimenti. Xom-ashyo va qo’shimcha materiallar. Jarayonni texnologik parametrlari. Mayonez olishni umumiy sxemasi, mayonez ishlab chiqarishni davriy va uzluksiz usullari.

Mayonez – M-C rusumli emulsiya bo‘lib, oziqa mahsulotidir va tarkibiga o‘simlik moyi, quruq sut, tuxum kukuni, shakar, tuz va boshqa oziqa va ta’m beruvchi qo‘shimchalar kiradi. U ovqatlarning to‘yimliligini oshirish, ishtahani ochish va ovqatning hazm bo‘lishini yaxshilash uchun qo‘shimcha mahsulot sifatida ishlatiladi.

Mayonez yuqori biologik qiymatli mahsulot hisoblanadi. Uning tarkibiga:1) o‘simlik moylari (kungaboqar, paxta, soya moyi) kiradi. Bu moylar faqatgina kaloriya manbai bo‘lib qolmay, balki essensial kislotalar (olein, linol) manbaidir. Bu kislotalar qondagi xolesterin miqdorini kamayishiga yordam beradi; 2) tuxum kukuni- oqsillar, jigar ishini yaxshilash uchun kerakli bo‘lgan manbaa bo‘lib ham hisoblanadi.