Oziq ovqat texnologiyasi

Uch silindrli o‘tasovutkich (29-rasm) O‘tasovutgich ketma-ket ishlaydigan uchta bir xil issiqlik almashgich silindrlardan tashkil topgan. U quyidagi asosiy qismlarga ega: (1) stanina yuritmasi bilan, sovituvchi (3) silindrlar bloki, emulsiya kiruvchi patrubka 5, issiq suv uchun (2) patrubka va ammiakli (4) sovutish sistemasi.
Silindrlar stanina ustiga o‘rnatilgan bo‘lib, har biri (30-rasm) izolyasiya (8)li “truba ichida truba” tipidagi issiqlik almashtirgich apparati (4) dan iborat. Birinchi ichki truba (2) ishchi kamera hisoblanib, unga ichi bo‘sh val (5) joylashtirilgan. Val ichiga harorati 50⁰C atrofida bo‘lgan issiq suv beriladi. Val (5) ga butun uzunligi bo‘ylab bir-biriga qarama-qarshi joylashgan 12ta pichoqlar mahkamlangan.
Pichoqlar qo‘zg‘aluvchan bo‘lib, ular gorizontal va vertikal yo‘nalishlarda siljishi mumkin. Val 500 ayl/min tezlik bilan aylanadi. Birinchi (2) va ikkinchi (6) trubalar orasida bug‘latish kamerasi mavjud bo‘lib, unga sovutuvchi agent (ammiak) uchun tarnov (3) joylashtirilgan. Ammiakning bug‘lanishi natijasida margarin emulsiyasi soviydi va truba (2) ning ichki yuzasida kristallanadi. Hosil bo‘layotgan kristallar pichoq (7) bilan devordan ajratiladi.
Uchinchi silindrdan chiqayotgan sovutilgan margarin emulsiyasining harorati 12÷13⁰C bo‘ladi. Uchsilindrli o‘tasovutkichining ishlab chiqarish quvvati 2,5-2,8 t/soat.

30 – rasm. O‘tasovutgichni silindrini sxemasi
Takrorlash uchun savollar.
22. Margarin ishlab chiqarish texnologiyasini parametrlari.
23. Margarin ishlab chiqarish usullari.
24. Margarin ishlab chiqarish bosqichlari
25. Uzluksiz margarin ishlab chiqarish texnologik sxemasi
26. Dozalash usullari
27. Aralashtirish, emulsiyalash jarayonlari
28. O‘ta sovitish jarayoni
29. Margarin retsepturasi qanday tuziladi?
30. Margarin ishlab chiqarishning asosiy xomashyolari nimalardan iborat?


Tayanch so‘z va iboralar
Emulsiyalash; Aralashtirish; Dozalash; O‘ta sovitish; Struktura; Kristall struktura; Vatator (o‘ta sovitgich); Dekristalizatsiya; Banderollash; Konsistensiya; Tomizg‘i.