Oziq ovqat texnologiyasi

Takrorlash uchun savollar

1. Sutni tayyorlash, pasterizatsiyalash, sutni achitish

2. Retseptura bo‘yicha komponentlar va ularni tayyorlash
3. Ta’m va xushbo‘y xid beruvchi qo‘shimchalar (aromatizatorlar)
4. Sutning tarkibi
5. Sutni pasterizatsiyalash usullari
6. Sutni pasterizatsiyalashda ishlatiladigan pasterizatorlar
7. Sutni achitish jarayoni sxemasi
8. Sutni achitish uchun ishlatiladigan tomizgilar
9. Uzluksiz achitish
Tayanch so‘z va iboralar

Margarin; Kulinariya yog‘i; Sutli margarin; Sutsiz margarin; Emulsiya; Qandolat yog‘i; Aromatizator; Tuz; Sut; Shakar; Emulgator; Vitamin; Rangli modda; Pasterizatsiya; Retseptura; Ivitish; Aromatizatorlar; Sterelizatsiya; Komponentlar.

18 – MA’RUZA
MARGARIN ISHLAB CHIQARISH TEXNOLOGIYASI


Reja: Retseptura komponentlarini dozalash. Aralashtirish. Margarin emulsiyasini o’ta sovutish va kristallash.Margarin ishlab chiqarish texnologiyasi sxemalari. Quyma margarin ishlab chiqarish. Qandolatchilik, oshpazlik, va nonvoylik yog’lami ishlab chiqarish. Margarin mahsulotlarni saqlash va tashish.

Margarin ishlab chiqarish quyidagi operatsiyalardan iborat: dozalash, aralashtirish, emulsiyalash, o‘ta sovitish, kristallash va qadoqlash.

Dozalash. Dozalashning ikki usuli ma’lum: og‘irligi va hajmi bo‘yicha . Og‘irligi bo‘yicha dozalash komponentlarni aniq miqdorda olishni ta’minlaydi. Komponentlarni miqdorini aniqlash uchun quyidagi tarozilar ishlatiladi: siferblat qurilmali va korobkali. Ular ikki qismdan iborat, katta qism yog‘lar uchun, kichik qism sut-suv fazasi uchun mo‘ljallangan. Siferblatli qurilma mahsulotlarni kerakli miqdorda ketma-ket o‘lchash imkoniyatini beradi. Buning uchun esa tarozining bosh qismiga datchiklar (2-7) o‘rnatilgan. Ularning soni retseptdagi komponentlarning soniga teng.
Tarozi ishga tushganda uning strelkasi datchikka tegib, elektroimpuls pnevmatik o‘zlashtirgichga uzatiladi. Shu vaqtda siqilgan havo porshenli klapan orqali trubani ochadi. Natijada taroziga birinchi komponent oqib tushadi. Shu paytda tarozini strelkasi (1) harakatga keladi, toki ikkinchi datchikka yetkuncha. Elektrreleli qurilma avtomat holatda mos bo‘lgan klapanlarni qayta qo‘shadi. Shu vaqtda birinchi komponent kelayotgan klapan yopiladi va ikkinchi komponent oqib tushishi uchun kerak bo‘lgan klapan ochiladi va hokazo. Komponentlar tarozidan olinayotganda, strelka teskari harakatlanadi. Tarozi komponentlardan to‘liq bo‘shagach, tarozi «0» holatini ko‘rsatishi kerak.
Hajm bo‘yicha taqsimlash uchun bir necha har xil diametrdagi porshenli silindrlarga ega bo‘lgan dozator nasoslar ishlatiladi. Bunda umumiy bitta dvigatel bo‘ladi. Suyuqlikning hajmi maxsus qurilma yordamida, ya’ni porshenning harakatini o‘zgartiruvchi qurilma yordamida boshqariladi.

27 – rasm. Siferblatli tarozining bosh qismini sxemasi