O’zbtkiston respublikasi oliy va o’rta maxsus ta’lim vazirligi

Ikkinchi tempdagi hujumchi flegmatik bo‘lganda

Flegmatiklar bu vazifaga juda mos keladi. Ularning asab tizimi va xususiyatlari ikkinchi tempdagi hujumchining o‘yin vazifalarini muvaffaqiyatli hal etishga imkon beradi. Flegmatiklar o‘yinning, ayniqsa, mas’uliyatli o‘yinning yakuniy qismida, boshqalardan ko‘ra yaxshiroq harakat qiladilar. Biroq ular uchun o‘yin vaziyati tushunarli, kutiluvchan tanish bo‘lishi, kutilmaganda o‘zgaruvchan o‘yinlardagi kabi tezlikda qaror qabul qilish talab etilmasligi kerak.
O‘yin samaradorligini oshirishning boshqa bir muhim jihati, odatda flegmatiklarda ancha uzoqroq davom etuvchi o‘yinga kirishish jarayonida o‘yin oldi mashqlariga o‘tkazilishi lozim. Flegmatiklar o‘z inertliklari sababli ko‘pincha qo‘shimcha motivatsiyaga ehtiyoj sezadilar, buni o‘yingacha yoki o‘yin vaqtida amalga oshirish zarur.
Mashq vaqtida flegmatikka juftlik qilib harakatchan, bezovtaroq, “kirishuvchan”, hatto zahiradagi tarkibdan bo‘lgan o‘yinchini qo‘yish kerak, u tinch va inert himoyani “qo‘zg‘atishi”, harakatga keltirishi mumkin. Bu flegmatikni birdaniga o‘yinga qo‘shilishiga, mos qarorlar qabul qilishga imkon beradi, bu o‘yinning yaxshi boshlanishi uchun muhim va ko‘pincha o‘yinda butun jamoaning umumiy kayfiyatini belgilaydi.
Odatda flegmatiklar, ikkinchi tempdan uzatishlarda, hatto guruhli yaxshi tashkil etilgan to‘siqqa qarshi hujumda ham samarali oshirishlarni yaxshi qabul qiladilar. Ular yuqori mas’uliyatli sharoitlarda va o‘yinga tayyorlanish uchun yetarlicha vaqt bo‘lganda samarali harakat qiladilar. Bu bilan flegmatiklar boshqa temperament tipidagi o‘yinchilardan yaxshiroq farqlanadlar.
Flegmatiklar ko‘pincha oddiy o‘yin, odatiy harakatlar sxemasi, kuchlar kurashini afzal ko‘radilar. Ular uchun jamoa va raqibning akademik o‘yinidan iborat umumiy o‘yin xosdir. Ular noodatiy o‘yin holatlariga ham mashq davomida ko‘nikib ketadilar. Flegmatiklar kuchli diqqatlari va xotirjamliklari hisobidan, eng e’tiborsiz belgilar bo‘yicha ham hozir nima bo‘lishini topa olish, vaziyatni his etish va qarshi harakatlarga oldindan tayyor bo‘lish qobilyatiga ega bo‘ladilar, o‘zlaridagi tabiiy inertlik va harakat sustligini bartaraf etishning o‘ziga xos qoplanishini namoyon eta oladilar.
O‘z tarkibida ikkinchi tempdagi hujumchi flegmatiklarga ega bo‘lgan jamoalar, o‘yinning mas’uliyatliligi qancha yuqori bo‘lsa, shunchalik yaxshi, barqaror o‘yin ko‘rsatishlari mumkin.