O’zbtkiston respublikasi oliy va o’rta maxsus ta’lim vazirligi

Mashg‘ulot jarayonlari siklliligi. Mikrotsikllar tarkibiga jismoniy yuklamalar dinamikasining kichik to‘lqinlari hosil qiladigan omillar ta’sir etadi. Shuningdek, turli yo‘nalishdagi mashqlarni takroriy bajarish ham mikrotsikllarga o‘z ta’sirini o‘tkazadi. Trenirovka jarayonida bir- biriga zich bo‘lgan mashqlar qo‘llanilmaydi. Ular turli mashg‘ulotlarda qo‘llanilib, takomillashtiriladi. Bu tartib barcha trenirovkada bir xilda bo‘ladi. Ular mikrotsikllar tarkibida o‘z ifodasini topadi. Mehnat va o‘quv faoliyatini umumiy tartibiga ham mikrotsikllar tarkibi o‘z ta’sirini o‘tkazadi. Shuning uchun mikrotsikllar hafta davomiga rejalashtiriladi.

2. Sport mashg‘uloti vositalari

Sport mashg‘uloti vositalari. Yuqori natijalarga erishish uchun jismoniy tarbiyaning barcha vositalari: jismoniy mashqlar, gigienik omillar va tabiatning sog‘lomlashtirish kuchlari, shuningdek, mashg‘ulotlar davomida vositalarning keng ishlab chiqarilgan tizimi qo‘llaniladi.
Barcha mashqlar musobaqalashish va tayyorlov mashqlariga bo‘linadi, tayyorlov mashqlari o‘z navbatida maxsus tayyorlov va umumtayyorlov mashqlarini o‘z ichiga oladi. Voleybolda ham boshqa sport turlari kabi o‘rgatishning asosiy vositasi jismoniy mashqlardir. Ular juda turli-tumandir. Shuning uchun ularni o‘rgatish bosqichidagi ma’lum vazifalarni hal qilish darajasida turkumlanadi. Bunday turkumlanishga voleybolchilarning musobaqa faoliyati asos qilib olingan. Shunga bog‘liq holda mashqlar ikki katta guruhga ajratiladi: asosiy yoki musobaqa va yordamchi yoki trenirovka.
Musobaqa mashqlari bir xil yo‘nalishdagi va harakat tarkibi cheklangan faoliyat ko‘rinishida bo‘ladi. Shu bilan birga musobaqa mashqlari majmuyi ham mavjud bo‘lib, ular ko‘pkurash singari maxsus sport turlaridan iborat. Musobaqalashish mashqlari mashg‘ulotlarda katta variativligi bilan ajralib turishi zarur.
Voleybol sport turida musobaqa mashqlari voleybolga xos bo‘lgan xususiy, o‘ziga xos bo‘lgan mashqlardir. Bunda texnik usullar va taktik harakatlar musobaqa sharoitidagi o‘yin holatlariga mos holda bajariladi.