O’zbtkiston respublikasi oliy va o’rta maxsus ta’lim vazirligi

Sport mashg‘uloti qonuniyatlari

Sport mashg‘uloti qonuniyatlari sportchilarni tayyorlash jarayonining pedagogik qonuniyatlarini ifodalaydi. Ta’lim va tarbiya tamoyillari bo‘lgan onglilik, faollilik, ko‘rgazmalilik, bajara bilish va individuallashtirish, muntazamlilik hamda taraqqiyot tamoyillari sport trenirovkasi jarayoniga ham taalluqlidir. Shu bilan birga sport trenirovkasining o‘ziga xos qonuniyatlari mavjud bo‘lib, ular sport trenirovkasini tashkil etayotganda tarbiyaning umumiy tamoyillari bilan birga ishtirok etadi. Sport trenirovkasi quyidagi qonuniyatlar asosida olib boriladi: “Yuqori natijalarga yo‘naltirish”, “Umumiy va maxsus tayyorgarlik birligini ta’minlash”, “Trenirovka mashg‘ulotlarining uzluksizligi”, “Yuklamani asta-sekin va maksimal tarzda oshirish”, “Yuklamani to‘lqinsimon tarzda qo‘llash (o‘zgartira borish)”, “Trenirovka jarayonini qaytalanish (sikl) asosida tashkil qilish”.
Yuqori natijalarga yo‘naltirish. O‘quv-trenirovka jarayonining bosh maqsadi sportchilarni musobaqaga yuqori “sport formasi” darajasida tayyorlash va ushbu musobaqada yuqori sport natijasiga erishish imkoniyatini yaratish.
Yuqori natijalarga yo‘naltirish. Sport yutuqlari sportchining jismoniy, aqliy, nazariy tafakkurlari natijasi deb ham qarash mumkin. Yuksak sport natijalarga yo‘naltirish sportchidan hayotiy muhim qobiliyatlarni takomillashtirishni talab etadi. Yuksak natijalarga intilish sportchilarni tashkiliy va rag‘batlantirish choralari bilan qo‘llab- quvvatlanishi kerak.
Dastlabki sport tayyorgarligi bosqichlarida sport trenirovkasi umumiy tayyorgarlik shaklida tashkil etilib, yuksak natijalarga yo‘naltirish g‘oyalarining ildizlari shakllanadi. Organizmning biologik rivojlanishi va trenirovka talablarini ortib borishi sportda yuksak natijalar ko‘rsatish yosh bilan bog‘liq bo‘lishini cheklab qo‘yadi. Sportchini sport
turiga shaxsiy moyilligi o‘z iste’dodini tez va to‘la namoyon etish imkonini bersa, aksincha, ixtisoslikni noto‘g‘ri tanlash va sportchining shaxsiy fazilatlariga mos kelmaslik murabbiy va sportchining ko‘p harakatlarini behudaga chiqaradi. Qonuniyatlardan trenirovka jarayonlarida mahorat bilan foydalanish sport taraqqiyotining yuksak cho‘qqilariga erishishda ishonch bilan borishni ta’minlaydi.