Өзбекстан республикасы халық билимлендириу министрлиги

Bo`lip shıg`arıw sisteması-denenin` ortasında jaylasqan jıynawshı kanaldan ha`m onın` ko`p sandag`ı shaqalarınan quraladı. Shaqalar arqalı jıynalg`an suyıqlıq jıynawshı kanalg`a quyadı, jıynawshı kanaldan suyıqlıq onı sırtqa shıg`arıw tesigi arqalı shıg`arılıp taslanadı. Ulıwma alg`anda bawır sorıwshısında da basqa jalpaq qurtlar sıyaqlı bo`lip shıg`arıw sisteması protoneveridiya sisteması boladı.
Jınıs sisteması. Jınıs sisteması ku`shli rawajlang`an germafrodit. Ana jınıs sisteması. Jınısıy pisip jetispegen bawır sorıwshısına-Marita delinedi. Maritanın` ana jınıs sisteması, jupsız ma`yeklikten, ma`yek jolınan, sarıwız bezi ha`m onın` jolınan, Melis deneshesinen, ootipten, laurer tu`tiginen ha`m jatırdan, tuqım qabıl etiwshi tu`tikten quraladı.
Ma`yeklikte ma`yek kletkaları payda bolıp, olar ma`yek jolına tu`sedi. Sarıwız bezleri, sarıwız kletkaların payda etedi, olar ma`yek kletkasının` tayar awqat zatı, Melis deneshesi suyıq zat payda etip, onın` menen ma`yek sarıwız zatına oraladı.
Laurer tu`tigi arqalı artıq tuqım suyıqlıg`ı shıg`arılıp taslanadı. Jatırg`a tuqımlang`an ma`yekler jıynaladı. Tuqım qabıl etiwshi qaltag`a tuqımlanıw waqtında ekinshi qurttan o`tken spermatozoidlar jıynaladı. Joqarıda aytılg`an ana jınıs sistemasına kiretug`ın ag`zalar ba`ri ootipke ashıladı. Ana jınıs jolı jatır arqalı jalpı jınıs jolı yamasa kloakag`a ashıladı.
Bawır sorıwshısının` er jınıs sisteması bir jup tuqımlıqtan, tuqım shıg`arıwshı tu`tikten, jupsız tuqım jolınan, tuqım qaltasınan, qosılıw ag`zası jınıs kloakasına ashıladı. Tuqımlıqlarda spermatozoidlar payda bolıp, olar tuqım jolına, onnan tuqım qaltasına son` qosılıw a`gzasına keledi.