Өзбекстан республикасы халық билимлендириу министрлиги

Teri-bulshıq et qaltası. Onın` en` sırtında kutikula qatlamı ornasıp onnan keyin epiteliya, diogonal`, saqıyna sıyaqlı, boydan-boy bulshıq et qatlamları ornalasadı. Teri-bulshıq et qaltası deneni sırttan yaki parenximanı ha`m onda ornasqan ishki ag`zalardı da sırttan orap turadı da organizmdi tu`rli sırtqı ta`sirlerden saqlaydı. Ekinshiden onın` quramındag`ı bulshıq etlerdin` iskerligi na`tiyjesinde dene ha`reket etedi.
Nerv sistemaları. Ol eki juptan boydan-boyg`a, qarın, arqa, qaptal nerv jiplerinen ha`m olardı biriktiretug`ın jutqınshaq janı nerv tu`yininen turadı. Nerv tu`yininen awız sorg`ıshına ha`m basqa organlarg`a ko`p sandag`ı nerv shaqaları shıg`adı.
Seziw organları. Seziw organları u`lken yaki erjetken bawır sorg`ıshlarında joq, tek teride seziw kletkaları bar. Al, bul qurttın` lichinkasında (miratsidiy) qaran`g`ıdan jaqtını ayıratug`ın ko`zshesi boladı.

Bawır qurtının` rawajlanıw tsikli.
1-erjetken parazit (marita), 2-ma`yek, 3-miratsidiy, 4-lichinkanın` suw qabatı denesinde partenogenetik ko`beyiwi (a-sporotsista b,d-rediyalar,e-serkariy), 5-suwg`a shıqqan serkariy,6-sistag`a aylang`an adoleskariy.