Өзбекстан республикасы халық билимлендириу министрлиги

As pisiriw sisteması. Awız, awız sorg`ıshında ornalasıp awızdan keyin jutqınshaq jaylasıp onnan keyin eki shaqalang`an isheklik ornasadı. Bawır sorıwshısında as pisiriw kletka ishi as pisiriw, bul jumıstı ishekliktin` epiteliya kletkaları atqaradı. Sırtqa shıg`arıw tesigi joq. Bawır toqıması menen awqatlanadı. Pispegen awqat zatının` qaldıqları awız arqalı shıg`arılıp taslanadı.
Dem alıw ha`m qan aylanıw sistemaları joq. Qurttın` parenximası glikogen zatına ku`ta` bay. Glikogen polisaxorid bolıp, haywanlardın` ha`m adamnın` tiykarg`ı artıq uglevodı boladı. Eger organizmde glyukoza jetispese, glikogen fermentlerdin` ta`sirinde glyukozag`a deyin tarqalıp qang`a o`tedi. Bawır sorıwshısı kislorodsız ortalıqta jasag`anlıqtan kislorod penen dem ala almaydı. Dem alıw parenximadag`ı aytıp o`tken gdikogen zatının` glikoliz bolıwı (glikogennin` kislorodsız jerde fermentler ta`sirinde tarqalıwı) n`atiyjesinde o`tedi.