O’zbekiston respulikasi sog‘liqni saqlash vazirligi

4. Ma’ruzaning rejasi:
4.1.BO’G fani tibbiyot fani sifatida tutgan o‘rni.
4.2.BO’G fanining rivojlanish tarixi
4.3.BO’G faning muammolari.
4.4.BO’G vrachining asosiy vazifalari.
5.Ma’ruzaning mazmuni:
5.1.BO’G o‘sib kelayotgan avlodning sog‘ligini saqlash va mustaxkamlash , ularni jismoniy va ma’naviy jixatdan barkamol qilib tarbiyalash xaqidagi fandir. Bu fan amaliy jixatdan bolalar salomatligni saqlash va mustahkamlash uchun sanitariya me’yorini ishlab chiqadi.
Bolalar va o‘smirlar gigiyenasining asosiy maqsadi – ularning jismoniy rivojlanishlari va salomatliklarining mustaxkamlanishini ta’minlovchi va sanitariya gigiyenik talab va me’yorlariga javob beruvchi tarbiyalash va o‘qitish
sharoitlarini, sog’lomlashtirish chora -tadbirlarini ilmiy amaliy jixatdan asoslangan xolda ishlab chiqishdir.
BO’G tibbiyot fani bo‘lib, kasib rivojlanib kelayotgan organizmga tibbiy-ijtimoiy ta’sirlar omilini, uning tashqi muhit bilan bo‘lgan o’zaro ta’sirini o‘rganadi. SHu asosda tashqi muhitning turli omillariga bo‘lgan gigiyenik talab va normativlarini hamda bolalar va o‘smirlarning normal funksional rivojlanishlari imkoniyatlarini yanada takomillashtirish, salomatliklarini mustaxkamlashga yo’naltirilgan sog’lomlashtirish tadbirlarini yo’lga qo‘gan.
Boshqa gigiyenik fanlardan farqli ravishda BO’G o‘sish va rivojlanish jarayonida bo‘lgan kattalar organizmidan tubdan farq qiluvchi bola organizmiga bag‘ishlanadi. Tashqi muhit omillarini normallashtirish va sog’lomlashtirish tadbirlarini gigiyenik asoslab berishda BO’G o‘sib kelayotgan organizmdagi turli bosqichlarga xos bo‘lgan morfologik, funksional va psixologik xususiyatlarga e’tibor beradi. Shu boisdan ham bolalar va o‘smirlar gigiyenasi yoshga oid gigiyena deyiladi.
Bola organizmining tashqi muhit omillariga bo‘lgan sezuvchanligi kattalarnikidan farq kilagan.
Bolalalik davri 3 ga bo‘linadi:
- maktab yoshigacha bo‘lgan davr (7 yoshgacha)
- maktab yoshdagi davr (7 -14 yosh)
- o‘smirlik davri (15-18)