O’zbekiston respublikasining soliq kodeksi I bo’lim. Umumiy qoidalar

457 - modda. Alkogolsiz ichimliklarni ishlab chiqaruvchi yuridik shaxslar 
tomonidan soliq solinadigan bazani aniqlashning o’ziga xos xususiyatlari 
 
Alkogolsiz ichimliklarni ishlab chiqaruvchi yuridik shaxslar uchun alkogolsiz 
ichimliklarni ishlab chiqarish va boshqa maqsadlarda foydalaniladigan suv hajmi 
soliq solinadigan baza hisoblanadi. 
Alkogolsiz ichimliklarni ishlab chiqarish uchun foydalaniladigan suv hajmi 
deganda, iste’mol idishidagi tayyor mahsulotga to’g’ri keladigan suv hajmi 
tushuniladi va alkogolsiz ichimliklar ishlab chiqarishning litrdagi yillik hajmini 1 
litr tayyor mahsulotni ishlab chiqarish uchun foydalaniladigan suvning hisob - kitob 
normativiga ko’paytmasi orqali aniqlanadi, bunda foydalaniladigan suvning 
hisob - kitob normativi 1 ga teng bo’lib, hisoblash jarayonida 1000 ga bo’linadi. 
Boshqa maqsadlar uchun foydalaniladigan suv hajmi deganda alkogolsiz 
ichimliklar ishlab chiqarish uchun foydalaniladigan suv hajmidan tashqari suv 
resurslarining er usti va er osti manbalaridan olinadigan suvning umumiy hajmi 
tushuniladi. 
458 - modda. Soliq davri 
 
Kalendar yil soliq davridir. 
459 - modda. Soliq stavkalari 
 
Er usti va er osti manbalaridan olinadigan suv resurslaridan foydalanganlik 
uchun soliq stavkalari o’rnatilgan limitlar doirasida, 1 kub.m uchun mutlaq 
miqdorlarda belgilanadi. Suvdan foydalanganlik uchun soliq stavkalarining aniq 
miqdori qonun bilan o’rnatiladi. 
Belgilangan limitlardan ortiqcha suv ishlatilgan holda, ortiqcha ishlatilgan suv 
xajmi uchun ushbu moddaning birinchi qismida ko’rsatilgan stavkalarning besh 
barobari miqdoridagi stavkalar qo’llaniladi. 
Avtotransport vositalarini yuvish bilan shug’ullanuvchi korxonalari tomonidan 
foydalanilgan er usti manbalaridan olingan suv xajmi uchun soliq stavkasi sifatida 
ushbu moddaning birinchi qismida ko’rsatilgan stavkalarning besh barobari 
miqdoridagi stavkalar qo’llaniladi.