O‘zbekiston respublikasining mehnat kodeksi umumiy qism I bob. Asosiy qoidalar

228-1-modda. Uch yoshga to‘lmagan bolalari bor, budjet hisobidan moliyaviy jihatdan
ta’minlanadigan tashkilotlar va muassasalarda ishlayotgan ayollarning ish vaqtining
qisqartirilgan muddatiga bo‘lgan huquqi
Uch yoshga to‘lmagan bolalari bor, budjet hisobidan moliyaviy jihatdan ta’minlanadigan
muassasalar va tashkilotlarda ishlayotgan ayollarga ish vaqtining haftasiga o‘ttiz besh soatdan
oshmaydigan qisqartirilgan muddati belgilanadi.
Ish vaqtining qisqartirilgan muddati chog‘ida ushbu moddaning 
birinchi qismida 
ko‘rsatilgan
ayollar mehnatiga haq har kungi to‘liq ish muddati chog‘ida tegishli toifadagi xodimlar uchun
belgilangan miqdorda to‘lanadi.
(228-1-modda O‘zbekiston Respublikasining 1999-yil 14-apreldagi 760-I-son 
Qonuniga
muvofiq
kiritilgan — Oliy Majlis Axborotnomasi, 1999-y., 5-son, 112-modda)
229-modda. Ayollarga va oilaviy vazifalarni bajarish bilan mashg‘ul shaxslarga to‘liqsiz ish
vaqti belgilash
Homilador ayolning, o‘n to‘rt yoshga to‘lmagan bolasi (o‘n olti yoshga to‘lmagan nogiron
bolasi) bor ayolning, shu jumladan homiyligida shunday bolasi bor ayolning yoki oilaning betob
a’zosini parvarish qilish bilan band bo‘lgan shaxsning iltimosiga ko‘ra, ish beruvchi tibbiy xulosaga
muvofiq ularga to‘liqsiz ish kuni yoki to‘liqsiz ish haftasi (
119-modda
) belgilashga majburdir.
Keyingi
 tahrirga qarang.
230-modda. Qo‘shimcha dam olish kuni
Nogiron bolasini tarbiyalayotgan ota-onaning biriga (vasiyga, homiyga) bola o‘n olti yoshga
to‘lgunga qadar davlat ijtimoiy sug‘urtasi mablag‘lari hisobidan bir kunlik ish haqi miqdorida haq
to‘lagan holda oyiga qo‘shimcha bir dam olish kuni beriladi.
Keyingi
 tahrirga qarang.
 LexUZ sharhi
Qarang: “Davlat ijtimoiy sug‘urtasi bo‘yicha nafaqalar tayinlash va to‘lash tartibi to‘g‘risida”gi
nizomning 
85-bandi 
(ro‘yxat raqami: 1136, 08.05.2002-y.).