O`zbekiston Respublikasining davlat tili o`zbek tilidir

Vositali to`ldiruvchi. Bosh, qaratqich tushum kelishiklaridan boshqa kelishiklardagi va ko`makchili so`zlar bilan ifodalangan to`ldiruvchi vositali to`ldiruvchi deyiladi. Masaln, Boshimdan o`tganini o`zim bilaman.
Shodlik yo`lga boshladi meni,
Baxtiyorlik bo`ldi odatim.
(H.O.)
Maydon o`zining ko`rkamligi va ulug`borligi bilan butun shaharda hush kiritgan edi. (P. Q.)
Vositali to`ldiruvchi kimga? nimaga? kimdan? nimadan? kimda?nimada? kim bilan? nima bilan? kim haqida? nima haqida? kabi so`roqlardan biriga javob beradi. Masalan,
Do`st bialn obod uying,
Gar bo`lsa u vayrona ham.
(E. V.)
Mehmonlarga har nav shirinliklar, pista, bodom, quruq mevalar tortildi. (O.)


ANIQLOVCHI VA UNING IFODALANISHI

Predmetning turli belgilarini, bir predmetning ikkinchi predmetga qarashli ekanligini bildiruvchi ikkinchi darajali bo`lak aniqlovchi deyiladi.: Aniqlovchi qanday? qanaqa ? qaysi? qancha ? kimning? nimaning? qayerning? kabi so`roqlardan biriga javob beradi. Masalan: oq, sariq, qizil: rang-barang chirmoviqlar, tikanli gullarning hammasi shudring bilan top-toza yuvilgan (O. Yo)

Aniqlovchi asosan, otga bog`lanib keladi.
Aniqlovchi qanday ma`noni ifodalashiga ko`ra uch xil: 1)sifatlovchi, 2)qaratqichli, izohlovchi.
Sifatlovchi. Predmetning belgi -xususiyati , hajmi, shakli, maza-ta`mi, rang-turi, miqdor-darajasi, tartibi kabilarni bildiruvchi aniqlovchi turi sifatlovchi deyiladi. Sifatlovchi bog`lanib kelgan so`z sifatlanmish deyiladi. Sifatlovchi o`z sifatlanmishiga bitishib yoki bilan bog`lanib, sifat, son, olmosh, ravish, sifatdosh, undov, taqlid so`zlar bilan va so`z birikmasi bilan ifodalanadi.
Sifat bilan ifodalanishi: Nasiba g`ayratli, ishchan tashabbuskor bir qiz bo`lib o`sdi. (O. Yo) Rang- barang gullar gulzorning husniga husn qo`shib turibdi(SH.R)
Son bilan ifodalanishi. Uch og`ayini botirlar ertagini o`qidim. Ikkala do`st qizg`in bahslashardi.