O`tgan zamon hikoya fe`li nutq jarayonidan ilgari bajarilgan ish- harakatni hikoya qilish asosida ba`yon etilishini ifodalaydi. Bu shakl fe`l negiziga -b (-ib) qo`shimchasini qo`shish va tuslash orqali hosil bo`ladi.
birlik ko`plik
I yozibman yozibmiz
II yozibsan yozibsiz
III yozibdi yozibdi (-lar)
Otgan zamon hikoya fe`li -b (-ib) shaklli ravishdoshga edi to`liqsiz fe`lini qo`shib, tuslash orqali hosil qilinganda ilgari bajarilgan harakatni aniq eslash ifodalanadi. Yozib edim, yozib eding.
O`tgan zamon davom fe`li nutq jarayonidan oldin, ma`lum davr ichida davom etgan yoki takrorlanib turgan ish- harakatni bildiradi. Bu fe`l shakli fe`l negiziziga -r (-ar) sifatdosh qo`shimchasini qo`shib, edi to`liqsiz fe`lini keltirish va tuslash bilan hosil bo`adi.
birlik ko`plik I yozar edim yozar edik
II yozar eding yozar edingiz
III yozar edi. yozar edi (-lar)
Bu fe`l shaklining quyidagi ma`nolari mavjud .
1. Doimiy davom etib turgan ish- harakatni bildiradi. Bu shakl -r (-ar) qo`shimchali sifatdoshga ega to`liqsiz fe`lini qo`shish va tuslash bilan hosil qilinadi: borar edim, borar eding.
2. Vaqti -vaqti bilan bajarilib turgan harakatni bildiradi. Bu shakl : a) fe`l negiziga -yotgan qoshimchasini qoshib, edi to`liqsiz fe`lini keltirish va tuslash bilan hosil bo`ladi.
birlik ko`plik I kelayotgan edim kelayotgan edingiz
II kelayotgan eding kelayotgan edingiz
III kelayotgan edi kelayotgan edi (-lar)
b) fe`l negiziga - moqda qo`shimchasini qo`shib, edi to`liqsiz fe`lini keltirish va tuslash bilan hosil bo`ladi.
birlik ko`plik I yozmoqda edim yozmoqda edik
II yozmoqda eding yozmoqda edingiz
III yozmoqda edi yozmoqda edi (-lar)
O`tgan zamon maqsad fe`li nutq jarayonidan ilgari bajarilishi maqsad qilingan , biroq bajarilib tugallanmagan ish -harakatni bildiradi.
O`tgan zamon maqsad fe`li quyidagicha hosil bo`ladi.
a) fe`l negiziga -moq qo`shimchasini qo`shib, edi to`liqsiz fe`lini keltirish va tuslash bilan:
birlik ko`plik I yozmoqda edim yozmoqda edik
II yozmoqda eding yozmoqda edingiz
III yozmoqda edi yozmoqda edi (-lar)
b) fe`l negiziga -digan qo`shimchasini qo`shib, edi to`liqsiz fe`lini keltirish va tuslash bilan:
birlik ko`plik I boradigan edim boradigan edik
II boradigan eding boradigan edingiz
III boradigan edi boradigan edi (lar)
Hozirgi zamon fe`li ish- harakatning nutq so`zlanib turgan paytda bajarilayotganini ifodalaydi. Hozirgi zamon fe`lining quyidagi shakllari mavjud: