O`zbekiston Respublikasining davlat tili o`zbek tilidir

1) hozirgi -kelasi zamon fe`li . 2) hozirgi zamon davom fe`li.
Hozirgi kelasi zamon fe`li nutq so`zlanib turgan paytda boshlanib, undan keyin davom etadigan harakatni bildiradi.Bu fe`l shakli fe`l negiziga -y (-a) qo`shimchasini qo`shish va tuslash orqali hosil bo`ladi.
birlik ko`plik
I yozaman yozamiz
II yozasan yozasiz
III yozadi yozadi (-lar)

I Oqiyman o`qiymiz

II o`qiysan o`qiysiz
III o`qiydi o`qiydi (-lar)
Hozirgi zamon davom fe`li nutq so`zlanib turgan paytda bajarilishda davom etib turgan ish- harakatni bildiradi. Bu shakl quyidagicha hosil bo`ladi; 1) fe`l negiziga -yap, qo`shimchasini qo`shish va tuslash bilan:
birlik ko`plik
I yozayapman yozayapmiz
II yozayapsan yozayapsiz
III yozayapti yozayapti (-lar)
2. Fe`l negiziga -moqda qo`shimchasini qo`shish va tuslash bilan:
birlik ko`plik

I yozmoqdaman yozmoqdamiz

II yozmoqdasan yozmoqdasiz
III yozmoqda yozmoqda (-lar)
3. Fe`l negizi -yotib, -yotir , qo`shimchalarini qo`shish va tuslash bilan .
birlik ko`plik
I yozayotibman yozayotibmiz
II yozayotibsan yozayotibsiz
III yozayotibdi yozayotibdi (-lar)

Kelasi zamon fe`li nutq jarayonidan keyin bajariladigan ish- harakatni bildiradi. Bu fe`l shaklining hozirgi zamon fe`li bilan bog`liqligi bor. Chunki, hozirgi zamo

n fe`lining ham nutq jarayonini ifodalash shakli mavjud.
Kelasi zamon fe`lining quyidagi shakllari bor.1) Aniq kelasi zamon fe`li. 2) kelasi zamon maqsad fe`li. 3) kelasi zamon gumon fe`li.
Aniq kelasi zamon fe`li kelasi zamonda aniq bajariladigan ish - harakatni bildirib, unda istak ma`nosi ifodalanadi. Bu fe`l shaklida harakat nutq jarayonidan keyin bajarilishi aniq sezilib turadi. Aniq kelasi zamon fe`li: a) fe`l negiziga -ajak (yajak )qo`shimchasini qo`shish va tuslash bilan hosil bo`ladi.
birlik ko`plik
I yozajakman yozajakmiz
II yozajaksan yozajaksiz
III yozajak yozajak (-lar)
b) fe`l negiziga -gay qo`shimchasini qo`shish va tuslash bilan hosil bo`ladi.
birlik ko`plik
I yozgayman yozgaymiz
II yozgaysan yozgaysiz
III yozgay yozgay (-lar)