O‘zbekiston respublikasi xalq ta’limi vazirligi farg‘ona viloyati xalq ta’limi boshqarmasi farg‘ona tumani xalq ta’limi bo‘limi

VII. OTA-ONALAR YOKI ULARNING O‘RNINI BOSUVCHI SHAXSLARNING HUQUQLARI, MAJBURIYAT VA MAS’ULIYATLARI.

7.1. Ota-onalar va ularning o‘rnini bosuvchi shaxslarning huquqlari:

• 
  o‘zlarining voyaga yetmagan bolalari uchun ta’lim shakllarini, umumiy o‘rta ta’lim muassasasi turi va o‘qitish tilini tanlash;
  
• 
  maktab ma’muriyatidan maktab Ustavi asosida zarur shart-sharoitlar yaratilishini, bolaga hurmat bilan munosabatda bo‘lishni talab qilish;
  
• 
  muvaffaqiyatli boshqarishda ishtirok etish huquqlariga egadirlar.
  

7.2. Ota-onalar va ularning o‘rnini bosuvchi shaxslarning majburiyatlari:
- ota-onalar va ularning o‘rnini bosuvchi shaxslar tomonidan o‘z majburiyatlarini qonunlarda belgilangan tartibda amalga oshirish;

• 
  bolalarning jismoniy va ruhiy jihatdan sog‘lom bo‘lishi to‘g‘risida g‘amxo‘rlik qilishlari;
  
• 
  bolaning qadr-qimmatini hurmatlashlari, bolaga mehnatsevarlik, yaxshilik, muruvvat tuyg‘ularini, davlat tili va ona tiliga, madaniy qadriyatlarga nisbatan hurmat fazilatlarini tarbiyalashlari;
  
• 
  bolaning maktabda o‘qitish uchun beligilangan talablar hajmda (shartnoma asosida) pullik ta’lim olishlari uchun zarur shart-sharoitlar yaratishlari shart.
  
• 
  bolaning maktabga zamonaviy yagona maktab formasini kiyish tartibiga rioya qilgan holda kelishlarini ta’minlash.
  

7.3. Ota-onalar va ularning o‘rnini bosuvchi shaxslar maktabda o‘quvchilarning manfaatlariga taalluqli masalalar muhokama qilinayotganligiga, ushbu muhokamada qatnashish huquqiga egadirlar.
7.4. Ota-onalar va ularning o‘rnini bosuvchi shaxslar farzandlarining maktabda davlat ta’lim standartlari doirasida ta’lim-tarbiya berishlari uchun amaldagi qonunlarga binoan maktab bilan barobar mas’uldirlar.


VIII. MAKTABNING MODDIY VA MOLIYAVIY XO‘JALIK TA’MINOTI.

8.1. Maktabni moliyaviy ta’minlash belgilangan tartibda byudjetdan ajratilgan mablag‘lar, O‘zbekiston Respublikasi Qonun hujjatlari va mazkur Ustav bilan tasdiqlangan shartnomalarni bajarilishidan va boshqa xizmatlar ko‘rsatishdan olinadigan mablag‘lar, shuningdek, yuridik va jismoniy shaxslarning ihtiyoriy ehsonari va maqsadli badallari hisobiga amalga oshiriladi.

8.2. Maktabning samarali faoliyat ko‘rsatishi uchun zarur bo‘lgan barcha hujjatlar (ish haqqi fondi, inventar fondi va joriy ta’mirlash, qattiq va yumshoq o‘quv jihozlari, o‘quv-metodik adabiyotlar, audio-video asbob-uskunalar bilan ta’minlash, suv, elektr, gaz, telefon aloqasi va boshqa xarajatlar) davlat tomonidan belgilangan huquqiy me’yoriy hujjatlar asosida tartibga solinadi va mahalliy byudjet hisobidan amalga oshiriladi.
8.3. 1-bosqich (1-4) umumta’lim maktab o‘qituvchilarining haftalik dars soatlari 18 soat, 2-bosqich (5-11) o‘qituvchilarining haftalik dars soati 20 soat qilib belgilangan. Malaka toifalari “Attestatsiya haqida Nizom”ga muvofiq maktabning barcha xodimlarini attestatsiyadan o‘tkazish jarayonida beriladi.
8.4. Maktabda lavozim maoshlariga va stavkalariga kasb-mahorati, mehnatda erishgan yutuqlari, alohida muhim ishlarini bajargani uchun va bir yo‘la bir nechta kasbda ishlagani uchun mablag‘larni tejash va maktab direktor fondi hisobidan tabaqalashtirilgan qo‘shimcha haq, ustamalar va mukofotlar berilishi mumkin. Mukofotlash shartlari va tartibi ishchi guruhi tomonidan belgilanadi.
8.5 Maktabga quyidagi qo‘shimcha pulli xizmatlar ko‘rsatishga ruxsat etiladi;
a) maktab xonalari, oshxona, sport zallari va boshqa narsalarni ijaraga berish;
b) maktab badiiy havaskorlik ishtirokida spektakllar va konsertlar ko‘rsatish;
d) ota-onalar roziligi bilan qo‘shimcha pullik mashg‘ulotlar o‘tkazish;
8.6. Maktab kutubxonasini boyitish maqsadida:
a) yangi qabul qilinayotgan o‘quvchilar tomonidan badiiy asar ixtiyoriy ravishda taqdim etish;
b) bitiruvchi sinf o‘quvchilaridan kutubxonaga bir donadan badiiy asar topshirish;
s) kitob marafonlarini o‘tkazish;
8.7. Maktabning moddiy-texnik negizi tarkibiga yer, binolar (asosiy va yordamchi binolar), sport inshootlari, kommunikatsiyalar, texnik vositalari va asbob-uskunalar, transport vositalari, kutubxona fondi, o‘quv ko‘rgazmali qurollar, mebel, o‘quvchilarni o‘qitish va tarbiyalash uchun foydalaniladigan boshqa mulklar kiradi;
8.8. Maktab binosi texnika xavfsizligi qoidalari va sanitariya-gigiyena me’yorlariga muvofiq jihozlanadi va foydalaniladi. Maktabning moddiy-texnika negizini mustahkamlash va rivojlantirish Respublika mahalliy byudjeti hisobidan amalga oshiriladi.
8.9. Maktabning buxgalteriya hisobi, boshqa hisob-kutob ishlari maktab direktori, moddiy javobgar shaxs va markazlashgan hisobxona, bo‘lim mudiri tomonidan amalga oshiriladi va O‘zbekiston Respublikasi Prezidentining 2017 yil 21 avgustdagi PQ 3231-son qarori asosida olib boriladi.


IX. MAKTABNING XALQARO HAMKORLIKDA QATNASHUVI

9.1. Maktab amaldagi qonunchilikka muvofiq xalqaro faoliyatlarni amalga oshirish huquqiga ega.

9.2. Maktab xorijiy mamlakatlardagi o‘quv yurtalari, xalq ta’limiga tegishli muassasalari bilan o‘qish, dam olish yuzasidan, olimpiadalar, ko‘riklar, tanlovlar yuzasidagi imkoniyatlari doirasida amaliy hamkorlik aloqalarini o‘rnatadi.