O‘zbekiston respublikasi xalq ta’limi vazirligi farg‘ona viloyati xalq ta’limi boshqarmasi farg‘ona tumani xalq ta’limi bo‘limi

6.7. MAKTAB DIREKTORINING O‘QUV-TARBIYA ISHLARI BO‘YICHA O‘RINBOSARI

6.7.1. Maktab direktorining o‘quv-tarbiya ishlari bo‘yicha o‘rinbosar maktab direktorining tavsiyasiga ko‘ra tuman xalq ta’limi bo‘limining mudiri tomonidan lavozimga tayinlanadi va bo‘shatiladi.

6.7.2. Maktab direktorining o‘quv- tarbiya ishlari bo‘yicha o‘rinbosari maktab direktori bilan hamkorlikda maktabdagi o‘quv tarbiya jarayonini tashkil etadi, maktab pedagoglari jamoasiga ushbu jihatdan rahbarlik qiladi, o‘quv jarayonida xavfsizlik texnika me’yorlari va qoidalariga rioya qilishi tartibini ta’minlaydi, o‘quv ishi bo‘yicha hisobotlarni yuritadi va umumiy majburiy ta’lim bo‘yicha ishni tashkillashtiradi.
6.7.3. Maktab direktorining o‘quv-tarbiya ishlari bo‘yicha bevosita maktab direktoriga bo‘ysunadi.
6.7.4. Maktab direktorining o‘quv-tarbiya ishlari bo‘yicha o‘rinbosarlariga bevosita:
- o‘qituvchilar;
- o‘quvchilar;
- laboratoriya xodimlari bo‘ysunadi.
6.7.5. Maktab direktorining o‘quv-tarbiya ishlari bo‘yicha o‘rinbosari o‘z vakolatlari doirasida quyidagi mansab-vazifalarini bajaradi:
- pedagoglar jamoasining faoliyati kundalik va istiqbol rejalashtirishini tashkil etadi;
- o‘quvchilar va boshqa pedagog xodimlarning o‘quv rejalarini va dasturlarini bajarish bo‘yicha ishlarni muvofiqlashtiradi;
- zaruriy o‘quv uslubiy hujjatlar ishlab chiqarishni tashkil etadi va muvofiqlashtiradi;
- ta’lim jarayonining sifatini va o‘quvchilarning ta’limiy tayyorgarlik natijalarini ob’ektiv ravishda baholash, to‘garak va fakultativ ishlarni muntazam nazorat qiladi;
- maktab pedagog xodimlari tomonidan o‘tkaziladigan darslar va o‘quv mashg‘ulotlarning boshqa turlariga tashrif buyuradi (o‘quv yili davomida kamida 136 soat) hamda ularning shakli va mazmunini tahlil qiladi;
- imtihonlarga tayyorgarlik ko‘rish va ularni o‘tkazish ishlarini tashkil etadi;
- ota-onalar uchun ma’rifiy ishlarini tashkil etadi, o‘quv-tarbiya jarayonini tashkil etish masalalari yuzasidan ota-onalarni (ularni o‘rnini bosuvchi shaxslarni) qabul qiladi;
- pedagog xodimlarga innovatsion dasturlar va pedagogik texnologiyalarni o‘zlashtirish va ishlab chiqishda yordam beradi;
- o‘quv mashg‘ulotlari va ta’lim faoliyati boshqa turlarining jadvallarini tuzadi, vaqtinchalik yo‘q bo‘lgan o‘qituvchilarni darslari sifatli va o‘z vaqtida almashtirilishini ta’minlaydi, qoldirilgan va boshqa o‘qituvchi o‘rniga o‘tilgan darslarni qayd etish jurnalini yuritadi;
-tuman mudofaa bo‘limi bilan hamkorlikda “ Chaqiriqqa qadar boshlang‘ich tayyorgarlik ” fanini o‘qitishni ta’minlash, tegishli sharoitlarning yaratilishi jarayonini muvofiqlashtirish ;
- belgilangan hisobot hujjatlari o‘z vaqtida tuzilishini ta’minlaydi, pedagoglar tomonidan sinf jurnallari va boshqa hujjatlar to‘g‘ri va o‘z vaqtida yuritilishini nazorat qiladi;
- pedagog kadrlarni saralash va joy – joyiga qo‘yishda ishtirok etadi, ularning malakasini va kasb mahoratini oshirish ishlarini tashkil etadi;
- fan metodbirlashmalar ishiga rahbarlik qiladi, o‘z malakasini oshiradi;
- maktab pedagog va boshqa xodimlarni attestatsiyadan o‘tkazishga tayyorgarlik ko‘rish va uni o‘tkazishda ishtirok etadi;
- pedagoglar va o‘quv- tarbiya xodimlar tarkibini ish vaqtini hisobga olish tabelini yuritadi, imzolaydi va maktab direktoriga topshiradi;
- direktorning ma’muriy xo‘jalik ishlari bo‘yicha o‘rinbosari ishtirokida o‘quv xonalari, ustaxonalar, sport zali hamda yordamchi xonalarni pasportlashtirishni o‘z vaqtida va sifatli o‘tkazilishini tashkil etadi;
- mehnatni muhofaza qilish bo‘yicha yo‘riqnomalar hamda amaliy va laboratoriya ishlarini bajarish bo‘yicha uslubiy ko‘rsatmalarda xavfsizlik texnikasi bo‘yicha bo‘limlar ishlab chiqilishini va vaqti – vaqti bilan kamida 1 yilda 1 marta qayta ko‘rib chiqilishini tashkil etadi;
- direktorning o‘quv -tarbiya ishlari bo‘yicha o‘rinbosarifan o‘qituvchilari bilan hamkorlikda yo‘l harakati, ko‘chada o‘zini tutish, yong‘in xavfsizligi qoidalarini o‘rgatish uslublari va tartibini belgilaydi, o‘quvchilar bilimini tekshiruvdan o‘tkazishni amalga oshiradi;
- kasaba qo‘mitasi bilan hamkorlikda o‘quv-asboblari va jihozlari, kimyoviy reaktivlar, ko‘rgazmali qurollar, maktab mebelidan foydalanish va saqlash xavfsizligini ma’muriy-jamoa nazoratini amalga oshiradi;
- namunaviy ro‘yxatlarda nazarda tutilmagan, shu jumladan tegishli ruxsatnoma-dalolatnomasiz ustaxonalarda, o‘quv xonalari va boshqa xonalarda o‘rnatilgan yasama kimyoviy reaktivlar, o‘quv jihozlari va asboblarini olib qo‘yish choralarini o‘z vaqtida ko‘radi, maktab xonalaridan o‘quvchilarnining sog‘lig‘i uchun xavfli sharoitlar yuzaga kelganda ta’lim jarayonini to‘xtatib turadi.