O’zbekiston respublikasi veterinariya va chorvachilikni rivojlantirish qo’mitasi samarqand veterinariya meditsinasi instituti veteriariya jarrohligi kafedrasi operativ xirurgiya va anesteziologiya fanidan

Yelimli bog’lamlar.
Ayrim paytlarda tananing keng qismiga bintli o’ram qo’yishda yelimli bog’lamlardan foydalaniladi. Bunda maxsus yelim turi BF-6 yelimi qo’llaniladi. Bunda ikki qavatli doka salfetka olinib jaroxatlangan joy ustiga qo’yishdan oldin ularning ostiga bog’lov materiallari qo’yiladi. So’ngra salfetkalar qo’yilib, ularning chetlariga yelim surtiladi va hayvon terisiga yopishtirib chiqiladi.


Mashg’ulot № 13
QATTIQ BOG’LAMLARNI QO’YISH TEXNIKASI
Darsning maqsadi. Talabalar qattiq bog’lov materiallarning klassifikasiyalari, bog’lov materiallari turlarini, ahamiyatini, va qo’yish texnikasini o’rganadi.
Jihoz va asbob-uskunalar. Bog’lov materiallari: doka, bint, gips, karkaslar, har xil qalinlikdagi simlar, karton, qattiq jismlar, iliq suv.
Darsning o’tilish uslubi. Darsning 1-yarmida talabalarga o’qituvchi tomonidan qattiq bog’lamlarning ahmiyati, ularning turlari, qo’yish texnikasi bo’yicha ma’lumot berib, shakllarni tayyorlab ko’rsatadi.
Darsning 2-yarmida talabalar kichik guruhlarga ajratilib, har xil turdagi hayvonlarda qattiq bog’lamlarni qo’yish texnikasini bajaradilar.
Darsning yakunida talabalar o’qituvchi tomonidan sabol javb asosida bilimlarni baholaydi.
Darsning mazmuni. Qattiq bog’lamlar (immobilizasion bog’lamlar) asosan tanining ma’lum bir qismini bir xil vaziyatda muayyan ushlab turish uchun qo’llanilib, ko’pincha suyak sinishi, bo’g’im chiqishi, chayqalish, paylarning uzilishi yoki cho’zilishida qo’yiladi. Qattiq bog’lamlarni qo’yishda taxtakach (shina) va qotadigan moddalar (gips, yelim, suyuq shisha, parafin) ishlatiladi. Taxtakachli bog’lamlar shikastlangan hayvonga birinchi yordam ko’rsatish uchun ma’lum vaqtgacha qo’yilishi mumkin. Taxtakach yoki gipsli bog’lab qo’yilganda asosan oyoq suyaklarining sinishlarida kamida ikki bo’g’im qotirilishi kerak.
Taxtakach sifatida fanera bo’lagi, sim, temir parchalari, karton, polietilen, po’kak va yog’och materialdan foydalanish mumkin. Taxtakachli bog’lam qo’yishda ularni tanaga botmasligi va uchlarining tanaga zarari tegmasiligi uchun qattiq materialni qo’yishdan oldin tanaga bir qavat sariq paxtadan yumshoq bog’lam qo’yiladi.