O‘zbekisтon respublikasi

Katta bosim ostidagi idishlar payvandlangan joylarining cho‘zilishi natijasida uchlari qochishining

yo‘l qo‘yiladigan miqdorlari

Idish devorining qalinligi, mm	Uchlarning maksimal qochish miqdori, mm
3 gacha	0,25
3-6	0,15-0,3
6-10	0,15
10-20	0,1-2,0
20 dan ortiq	0,1 ammo 3 dan ortiq emas.

Bunda albatta payvandlash choklari o‘lchab ko‘riladi. Ishlatilayotgan idishlar 4 yilda bir marta tekshirishdan o‘tkazib turilishi belgilab qo‘yilgan. Bosim ostidagi idishlarning payvand choklari mexanik sinovlardan ham o‘tkaziladi.

11. 
    – rasm. Bosim ostidagi idishlarni texnik ko‘rikdan o‘tkazishda asosiy e’tibor qaratiladigan joylar:
    

1 - mahkamlash joylaridagi yorilishlar; 2 - idish devoridagi zanglashlar, yorilishlar; 3 - payvandlash chokidagi kamchiliklar; 4 - idish izolatsiyasi va himoya qoplami holati; 5 - devor yuzasi elementlarining yeyilishi; 6 - payvandlangan tayanchlar yonidagi yorilishlar; 7 - lyuk qopqoqi va berkitish qurilmasining texnik holati; 8 - payvandlangan mustahkamlik belbog‘i yonidagi yorilishlar; 9 - parchinlash mixlari yoki boltlar orasidagi yorilishlar; 10 - zarur ma’lumotlar keltirilgan idish nishoni; 11 - idish devorining deformatsiyasi.
Bunda ma’lum miqdorda kesib olingan payvand choklari namunasi va uning mustahkamligi, elastikligi tekshiriladi. O‘tkazilayotgan mexanik sinovlarda, statik sinov sifatida, idish metallining cho‘zilish va egilishga chidamliligi, plastikligi aniqlanadi. Keyin dinamik kuch ta’siriga, ya’ni urilishga chidamliligi sinaladi.
Payvand choklarini metallografik tekshirishga alohida e’tibor beriladi. Bunda, asosan, silliqlangan payvand choklarini oddiy ko‘z yoki kattalashtirish oynalardan foydalanib sinchiklab tekshirib chiqiladi.
Тekshirish asosida: payvand choklarining puxtaligi, chuqurligi, tuzilishi, payvand choklariga to‘la erimagan metallning yopishib qolganligi; metall erigan vaqtda uning tarkibiga begona moddalar kirib, payvand choklarining sifati buzilmaganligi; shuningdek, payvand choki orasida bo‘shliqlar hosil bo‘lmaganligi tekshiriladi. Mikroskop yordamida kattalashtirilib, payvand choklarini tekshirishda tarkibida mayda yoriqlar va bo‘shliqlar bor-yo‘qligi aniqlanadi.