O`zbеkistоn rеspublikasi

Bufetlar – ovqat mahsulotlarini sotishga mo‘ljallangan. Ular ichkarida va tashqarida joylashishi mumkin. Chala tayyor, har xil boshqa mahsulotlar, eng ko‘p talab qilinadigan issiq ichimliklar bilan savdo qiladi. Bufetning asosiy vazifasi – bu mijozlarga tez xizmat ko‘rsatish va ularga yaxna gazaklar, buterbrodlar, issiq va sovutilgan ichimliklar, non va konditer mahsulotlari taklif etishdir. Bufetlarda shuningdek, tayyorlanishi qiyin bo‘lmagan taomlar (katlet, sosiskalar) ham sotiladi.
Kafeteriy – bu shunday korxonaki, unda beriladigan ichimliklar assortimentiga bir necha xildagi kofe hamda u bilan birga qo‘yiladigan rom, likyor, konyak kabi spirtli ichimliklar bo‘lib bunda asosan «Alya kart» ko‘rinishidagi servislar xizmati amalga oshiriladi. Kafeteriyda yana cheklanmagan assortimentda issiq-sovuq ichimlklar, har xil pishiriqlar ham tayyorlanaib sotiladi. Menyuda issiq ichimliklar (kofe, choy, issiq shokolad), sovuq ichimliklar (kofe glyase, sutli kokteyllar), kulinariya mahsulotlari va issiq taomlar ham kiritiladi. Menyuda bular bilan birga albatta ko‘p variantli mineral suvlar, meva sharbatlari va har xil mevalar ham kiritiladi. Pishiriqlar va konditer mahsulotlari joyida tayyorlanishi mumkin yoki yetkazib beruvchiga buyurtma berilishi shuningdek, buterbrod va sendvichlarga o‘xshagan, tayyorlanishi uncha qiyin bo‘lmagan taomlar ham tayyorlanishi mumkin. Kafeteriyda xizmatlar ofitsiantlar tomonidan amalga oshiriladi. Aytish joyizki, keyingi paytlarda tez xizmat ko‘rsatish korxonalari dunyoda bora-bora ommaviylashib bormoqda. Ularda mahalliy aholi balki tashrif buyuruvchi turistlar uchun ham qulay shart-sharoitlar yaratilib sifatli xizmatlar tashkil etilmoqda. Bugungi kunda ko‘pchilikka tanilib ulgirgan va dong‘i chiqqan “Fast Food”, “Mas Donald`s”, “Burger King” lar gamburgerlar tayyorlashga ixtisoslashgan; “Pizza Hut” pitssa tayyorlashga ixtisoslashtirilgan taomlar ishlab chiqaruvchi korxonalardir.
Keytering – R.A.Braymerning fikiricha keytering – bu, ko‘p hollarda tashqarida qilinadigan ovqatlanish korxonalari xizmatlaridir7. G‘arbiy Yevropa mamlakatlarida keytering kompleks xizmatlar majmuyini qamrab olgan. Keytering, bino ichidagi keytering, ochiq havodagi keytering, individual holatdagi keytering kabilar bilan farqlanadi. Sovuq ichimliklar sotishni, sport arenalarida buterbrodlar sotishni, avtomatlardan sigaretlar, gazlangan ichimliklar, meva sharbatlarini sotishni keyteringga kiritish mumkin. Umumiy ovqatlanish korxonalari ichida restoran, kafe, bar asosiy o‘rinni egallaydi. Bular aholining hordiq chiqarishini tashkil qilishda muhim ahamiyatga ega. Bu maskanlarda odamlar fakat ovqatlanish uchun emas, balki yubileylarni nishonlash, o‘z hayotidagi muhim voqealarni, jamoa a’zolarining quvonchiga sherik bo‘lish, to‘y-tantanalarini o‘tkazish, mehmon kuzatish, tez va maroqli ovqatlanish uchun hamma sharoitlarni yaratish zarur.