O`zbеkistоn rеspublikasi

Tamaddixona



Restoranlar

Bar





Umumiy ovqatlanish korxonalari

Oshxona

Choyxona


Kafe


Restoran murakkab usulda tayyorlanadiga yuqori sifatli taomlar va ichimliklarni taklif qiladigan eng qulay umumiy ovqatlanish korxonasidir. Ularda mijozlarning yaxshi dam olishlari uchun yuqori darajada xizmat qilinadi. Restoranlar asosan markaziy joylarda, odamlar gavjum ko‘chalarda shuningdek, stadion, shaharlararo hududlarda, ma’muriy, tomosha maskanlari majmualarida, tarixiy va arxitektura yodgorliklari joylashgan yerlarda ochiladi. Restoranlar hamma uchun qulay ovqatlanish korxonasi bo‘lib, juda ko‘p assortimentli taomlar gazaklari bilan, har xil pishiriqlar hamda spirtli-spirtsiz ichimliklar taklif qilinishi bilan ajralib turadi. Restoranlarda individual buyurtmalar asosida ham juda ko‘p salat va taomlar tayyorlanishi bilan bir qatorda yevorpacha hamda milliy ovqatlar ham tortiq qilinadi. Xizmatlar ko‘rsatiladigan mehmonlarning soni bo‘yicha restoranlar kichkina (10-15 kishigacha) va katta (500 kishi va undan ortiq) restoranlarga bo‘linadi. Dunyoda xilma-xil milliy taomlar tayyorlashga ixtisoslashgan restoranlar ham keng tarqalgan. Ular qatoriga jahonning rivojlangan mamlakatlari uchun xos bo‘lgan italyancha, xitoycha, turkcha, inglizcha, fransuzcha va shu kabi bir qancha mamlakatlarning milliy taomlarini tayyorlashga ixtisoslashgan restoranlar juda mashhur bo‘lib bormoqda. Ularning ayrimlari juda arzonligi va ayrimlarining narxlari esa qimmatliligi bilan ajralib turadi. Odatda sayyohlar qaysi mamlakatda bo‘lsalar, o‘sha mamlakatning oshxonalari bilan tanishishga va ularda tayyorlanadigan taomlardan tatib ko‘rishga juda qiziqadilar. Ko‘p hollarda ular o‘zlari shaharlarning qiziqarli milliy hamda arzon restoranlari haqida ma’lumotlarni olishga harakat qilishadilar. Oxirgi paytlarda turistlarning talab va takliflarini hisobga olgan holda vegeterianlarga xos bo‘lgan oshxonalar ham paydo bo‘la boshladi. Yuqoridagilardan tashqari restoranlar ixtisoslashuvi bo‘yicha ham ajratilinadi. Masalan, faqatgina baliq yoki go‘shtli taomlar taklif qiladigan restoranlar, faqatgina bitta taomni tayyorlashga ixtisoslashgan bo‘lishi ham mumkin. Xorijiy turistlarga xizmat qiladigan restoran ofitsiantlari birorta chet tilini bilishi va mehmonlar bilan gaplasha olishi lozim. Restoranlar ayrim mijozlargagina xizmat qilish bilan cheklanmaydi. Davlat miqyosidagi katta anjumanlar, majlislar, konferensiya, seminar, rasmiy kechalar, qabul marosimlari, to‘ylar, oila tantanalari, banket, tematik kechalar va boshqalarga ham xizmat qiladi. Umuman olganda restoranlarda mijozlarga asosan tushlik va kechki ovqat beriladi. Takidlash joyizki, lyuks toifadagi restoranlarda albatta quyidagi qo‘shimcha xizmatlarning tashkil qilinishi shart: bayram taomlarini tayyorlash va xizmat ko‘rsatishni tashkil etish, uyga ovqat olib borib berish, taom va boshqalarga buyurtmalar qabul qilish, ma’lum muddatga joyni band qilib qo‘yish, mijoz iltimosiga ko‘ra taksi chaqirib berish, gul va sovg‘alar sotish.