O`zbekiston respublikasi узбекистон республикаси

Мактабдан ташқари муассасалар
Мактабдан ташқари муассасалар – ижод ва бўш вақтни ўтаказиш уйлари (марказлари), санъат (бадиий, мусиқавий) мактаблар, ёш техниклар, табиатшунослар станциялари, болалар бадиий ижод студиялари клуб-тўгарак ва студия хоналарининг шуғулланиш учун ўринлари сони бўйича, спорт заллари ва бассейнларнинг маълум вақт ичидаги ўтказувчанлик имкониятлари бўйича ҳисобланади. Хоналарнинг таркиби ва майдонлари ижодий машғулот турларини ҳисобга олган ҳолда клуб муассасаларининг амалдаги лойиҳалаш нормаларига асосланиб аниқланади (технологик асосларни ҳисобга олиб). Тўгарак хонасининг майдони бир нафар шуғулланувчига 2,5-6,0 м² майдон, аммо қоида бўйича, 6-10 кишилик гуруҳга камида 30 м² қабул қилинади. Индивидуал машғулотлар учун студия ва синфлар тарбиячи билан 12-18 м² майдонли бўлиши керак ( жиҳозлар ва мусиқа асбобларининг типларига боғлаб). Хореография, рақс, аэробика хоналарида бир нафар шуғулланувчига камида 6 м², спорт-тренажор залларида эса камида 5-6 м² майдон бўлиши шарт.
Қўшимча хоналар технологик асосланиши ва амалдаги нормалар бўйича қабул қилинади.
Хореография, рақс, жисмоний тарбия, спорт хоналари қошида ечиниш хонаси, хожатхона, душ хоналари бўлиши шарт ( шуғулланувчилар сони бўйича ҳисобланади).
Экскурсия-туризм станциялари туристлар базасида вақтинчалик яшовчилар сони бўйича ҳисобланади, хизмат кўрсатиш ва ўлка мутахассис инструктори машғулотлари хоналарини ўз ичига олади ( таркиби технологик асосланиши орқали аниқланади).
Эслатма: Мактабдан ташқари муассасаларни лойиҳалаш ЎзР Халқ таълими вазирлигининг болалар ижодий уйлари, мусиқа мактаблари, санъат мактаблари, спорт мактаблари, ёш техниклар станциялари ва шунга ўхшаш муассасалар учун чиқарган низомларини ҳисобга олган ҳолда амалга оширилади.
Болалар учун спорт заллари ва спорт иншоатлари, болалар кутубхоналари, кинотеатрлари ва театрлари биноларнинг мос типлари учун нормалар талабларини ҳисобга олган ҳолда лойиҳаланади.
Жамоат биносининг хоналари баландлиги пол сатҳидан шип сатҳигача 3.0 м дан кам бўлмаслиги керак.
Ҳар-хил вазифали заллар, аудиториялар, лабораториялар, спортзаллар, манежлар ва бошқа хоналарнинг баландлиги функционал-технологик жараёнларни ва ушбу лойиҳалаш нормалари матнларида келтирилган технологик асос ва талабларга асосан, жиҳозларнинг габаритларини ҳисобга олган ҳолда белгиланади.
Жамоат хоналарининг сиғдираолишлик миқдори 30 кишидан ошмаганда, ҳамда турар-жой бинолари ҳажмида қурилган хизмат кўрсатиш муассасалари, жумладан дўконлар, кафелар хоналарининг баландлиги 2.8 м бўлиши мумкин.
Хоммом ва ўрни 100 ва ундан ортиқ хоммом-соғломлантириш мажмуалари асосий хоналарининг баландлиги 3.3 м дан, кир ювиш ва кимёвий тозалаш ишлаб чиқариш хоналарининг баландлиги 3.6 м дан кам бўлмаслиги даркор.
Кишилар доимий равишда бўлмайдиган айрим иккинчи даражали хоналар, шу қатори бинонинг ҳажмий-режавий ечимига монанд йўлаклар ва ўтиш йўлаклари хоналарининг баландлигини камайтиришга йўл қўйилади, лекин 2.2 м дан паст бўлмаслиги керак.